Ka pianna kanu manphatna nam 20

Ka pianna kanu manphatna nam 20
(Nu Cing Khan Zen)

1. Kum 12 aphak in Suangsang khua pan Zeisu sungah piangthak hi.
2. Gamlai Sia Khaat Khaw Gin tung pan pianthakna ngah hi.
3.Apa mai ah Zeisu ka nusia ngeikei ding ci in hangsan takin pulak hi.
4.Thautawh kap lup dingin apan vaihawm taleh Zeisu a itna khawl hetlo hi.
5. Suangsang khua ah Pasian thu um nih leh thum tawh kum tampi om uhhi.

6. Kikhop ding pen nasep lian pen in ngaihsun den hi.
7. Pasian nasem te it cih takin it den hi.
8. Pasian nasem hongpai aom ciangin antang leitawi leh ak leitawi liangin anvaak nuam hi.
9. Pasian nasem te Tauleng khua hongpai ciangin khuanawl ciang vadawn zel hi.
10. Kum 5 kaphak in Late 1:1-6 sung honglot ngahsak pah hi.

11. Ka suah ma nangawn in Pasian nasem leh Pasian zat dingin hong ap khin hi.
12. Pumpi siangthona sungah hong nungta sak hi.
13. Panmun aneih loh hangin pawlpi sungah nasep ding te ah hanciam den hi.
14. Innkuan thunget khop hong makaih den hi.
15. Zingsang khuavaak ma in biakinn ah thungen in pai den den hi.

16. Kum 15 phial bang lupna tungah azawngkhal ngei hangin lungkiatna peuhmah gen lo hi- Topan’ damsak kik hi.
17. Tate adingin khaici ahunhun in tuh denden hi.
18. Anpaal a om ciangin Pasian nasem te tung leh sangsia te tungah hongpia sak den hi.
19. Sawm ah khat piak loh phamawh sak den hi, sum pan ahizongin , an pan ahizongin, ngah na peuhpeuh pan hongpiak pih den hi.
20. Asih ding ciangin kammal hoih mahmah tawh hong vai khak hi.
21. Kum 1993 Sept 24 ni in Topa kiang hongciah san a, a itna leh athupha tuni dong hong ompih cih ka tel mahmah hi.

Pilna leh hauhna siamna tampi aneih loh hangin NU hoih mahmah ahihna ka muh manin kalungdam lua in hih lai agelh khia ka hihi.

Shalom thupha Maw.
Kimnute innnkuan
By Rev. Pau Khan Khai