Malaysia, Johor Baru datsisai ah mulkimhuai takin kithahna makaipipa kimanta

Malaysia, Johor Baru datsisai ah mulkimhuai takin kithahna makaipipa kimanta

Abeisa December khasung in thupiang, Malaysia, Johor Baru datsisai ah mulkimhuai takin kithahna vai ah amakaipipa ki mankhiathei taktakta cih Bernama pan kiza hi. Tuapa pen Thai gamsungah aki busim nahi a, Thai gamsung panin Police Officer te’n amatkhiat uh ahihi.

Tuapa pen kum 40 gualpawl hi a, Bangkok pain 260 km bang agamlatna Chaiyaphum Province sungah tuni Tuesday (May 29) zingsanglam 7am hunpawl in akimankhia ahihi. Tuapa pen akhut ataklam abantung ah Tattoo agolpi khat akisuai khat ahihi.

Thai gamsung panin akimattheih nadingin ahuh ahi Royal Malaysian Police panin Officer khatin agenkhiatna ah hihpa pen Johor Baru Petrol Station ah kithahna vai ah amakaipi Mastermind khat hi a, matkhiatding in aki nakzon penpenkhat ahihi ci’n genkhia hi.

Thai Police te’nzong hihpa kimatna vaitawh kisai in Media Conference khat asawtlo in bawlpahding uh kici a, tuaciangin athu ala akicianzaw in ki pulak khiading cihi.

Malaysia, Johor Baru datsisai ah mithat 2 te thusitna kineita

Malaysia, Johor Baru aom datsisai ah ki thahlupna vaitawh kisai in mithatte lakah akihel mi 2 te thukhenna kineita cih theStar pan kiza hi. Tua thukhenna akinei mithat lakah akihel mi 2 tepen kum 20 aphakhin Gan Jia Ji kicipa leh kum 24 aphakhin Yip Kah Hou kici mi 2 te ahi uhhi.

Tuni Thursday ni in Magistrate Siti Hajar Ali in hih mithat 2 te tungah mawhna daan te simkhiatna kinei a, tua mithat 2 te’nzong lukun in amawhna uh kathei uh cih lahna nei uhhi. Bangmah thuumna zong neilo uh cihi.

Gan Jia Ji pen Petrol Station ah mithahna makai ci’n thu akibawl hi a, amahbek hilo in, adang mi 5 tetawh kipawlkhawm in datsi saisungah mikhat mulkimhuai takin athatlum uh ahihi. Tua lakah akihel mithat pawlkhatpen tudong kimanzo nailolai hi. Hihte pen February 13 ni ciangin thusitna khatvei kineikik dinga, tuahun ciangin athongkiat zahding ki theician panding cih kiza hi.

Johor datsisai kithatna vaitawh muanmawh akigawm in mi 13 kimankhin

Malaysia, Johor Baru aom datsisai ah akidawtlum pasal khatpa vaitawh akigawm in muanmawh “Suspect” mi 13 kimankhinta cih theStar pan kiza hi. Johor Baru, Taman Pelangi aom Petrol Station ah nung Sunday ni in akidawtlum hi a, tulaitak hihvai pen Malaysia gamsung ah aki lunglut mahmah thuthangkhat ahihi.

Palik thunei ahi Johor police chief Comm Datuk Mohd Khalil Kader Mohd in agenna ah hih kithatna vaitawh akisawhkha teng abanban in akiman hi a, tuciangciang akimanpen mi 13 phakhinta hi. Tualakah numeizong mi 4 kihel hi ci’n genkhia hi.

Tua mithatvai tawh muanmawh akimante pen akum atawmpen 16 hi a, adangte pen kum 16 leh kum 26 kikal vive hi’n, khangno laithei mahmah uhhi.

Hih akimante pen Malaysia gamsungbek hilo a, Singapore gamsung paninzong akiman pawlkhat om uhhi. Abeisa Wednesday (Dec 20) ni in Singapore gamsung panin mithatvai tawh akizom akigawm in mi 7 kiman hi. Tualak ah numei 3 kihel uh a, Singapore Police Force te ii huhna tawh akimanthei ahihi ci’n palik thuneipa in genkhia hi.

Tuaban ah Penang paninzong tuani mahin mi 2 kiman a, tua Penang pan akimante pen numei khatleh pasalkhat ahihi ci’n Police Statement ah ki genkhia hi.

Hih ki thahna vaitawh kisai hoihtak kanciantheih nadingin muanmawh adang pawlkhatzong kineilai hi ci’n Johor Police Chief in genkhia hi.

Asipa pen kum 44 aphakhin khat hi a, “Ah Chiu” cihtawh akithei hi a, ahi zongin amintaktak pen Tan Aik Chai kici in, amahzong migilo makai “Gang Leader” khat kici hi.

Hih Johor Baru datsisai ah kithahlupna pen guihtheih khamtheih vankham azuak Drug Dealer te kici hi.

Asipa Ah Chiu ii aluanghawm pen zanni Thursday zingsanglam 9:50am hunpawl in Jalan Skudai aom Nirvana Memorial Centre panin Melaka ah kipuak a, tualai ah kivui cihzong kiza hi.

Aluanghawm akikoihna ah ni 3 sungbang thungetna Rite aneihkhit uhciangin aluanghawm pen Melaka ah vuiding in apuakhia uh ahihi. Siluangpua mawtaw pen mitampi in zuikhollo a, innkuan meltheih leh alawmte pawlkhatbek in zui uhhi.

More: Malaysia, Shah Alam vengsung ah Myanmar gammi khat alawm te’n thatlum

Asipa ii azipen Vietnamese gammi hi a, ata hidingin aki ummawh pasalno naupangkhat tawh Bus tungtuang in apasal ii siluang puakna mawtaw nungah zui uh cihi. Bernama te pulakna ah asipa in tapasal 3 nei ci uhhi.

Hih Petrol Station ah ki thahlupna pen mulkimhuai mahmah a, Malaysia gambup ah akithahna Video Clip pen kizelgawp, Viral gawp hi.

Hih kithatna vai akan ahi palik thunei Deputy Prime Minister Datuk Seri Dr Ahmad Zahid Hamidi in agenna ah hih kithahna pen migilo Underworld Gangs kipawlna te khatlekhat abeisa gamtatna te akithuhna uh hiding cihi. Sawltak #zomidaily