Johor aom Clinic zato khat ii Ceiling kiasuk, aliam omlo
Malaysia, Johor Baru sung aom cina te kilahna Clinic zato khatah Ceiling kiasuk cimawk hi. Zanni Wednesday zingsanglam in Mahmoodiah Health Clinic ah thupiang ahihi.
Zingsanglam in Clinic ah cina damlo te zato lilak in aom laitak tua Clinic ii Dietary Counselling Counter ii atunglam kuampikhat Ceiling kiasuk vatmawk ahih manin, cina damlo tezong patauman mahmah uhhi.
Ahi zongin hih Ceiling kiatsukna hangin aliam abai kuamah omlo cibilbel hi.
State Health, Environment, Education and Information Executive Committee chairman Datuk Ayub Rahmat in agenkhiatna ah zingsanglam 8:30am hunpawl in Ceiling akiasuk cihi.
Banghangin hihbangin Ceiling kiasuk ziaumawk hiam cihpen aki kansanlaitak ci a, Maintenance pen ki vaihawmpah cihi.
Related: Malaysia, Klang vengsung aom Shopping Mall ii Ceiling kicimsuk, asi aliam omlo bilbel
Tua Ceiling puahkik nadingin Rm2000 pan RM3000 kikalbang beitheiding a, tukal beikuanin mansiang theiding hi ci’n genkhia hi. Tukum March khasung inzong Klang aom Shopping Mall khat ii Ceiling kiasuk ngeimawk hi. Sawltak #zomidaily
Comment piaknop aomleh...