Video: Johor Baru ansai khatah akitawng te lakpan mi 17 kimanta

Video: Johor Baru ansai khatah akitawng te lakpan mi 17 kimanta

Malaysia gamsung Johor Baru aom ansai khatah mi honkhat akitot, akisatgawpna Video pen zanni Sunday ni in Social Media ah ki thehzakgawp hi. Tua Viral Video sungah akihelkha mi 17 te tuni Monday zingsangin kimankhinta hi ci’n Police thunei te’n genkhia uhhi.

Tua buaina apianna munpen Johor Baru, Stulang Laut aom Seafood Restaurant khatah ahihi.

Hihvai tawh kisai in palik thunei ahi State police chief Comm Datuk Mohd Khalil Kader Mohd in agenna ah akigawm in mi 17 kimankhin a, tua akimante lakah numei 8 leh pasal 9 kihel uhhi ci’n genkhia hi.

Tua Viral Video sungah akitawnggawp tepen Local Malaysian gammi leh Vietnam gammi pawlkhat hiding kici a, kum 20 panin kum 50 kikal vive kici hi.

Video: Cops arrest 17 over fight at restaurant in Johor Baru

https://www.youtube.com/watch?v=_nBx9R4u914

Tua Video sungah mi honkhat akitum, akisat, akilai kimuthei hi. State Police Chief in agenna ah hih buaina vai aki kankhiat ciangin akitawng lakah akihel tepen zukham vive cihi. Tuaban ah Seafood Restaurant ah anne mi tampitak aom hi a, ansai tezong anhuan ziakailua in avaikhak te uh ahunlap in ngahlo in lungduailo cihi.

Mangkang te’nzong paunak Proverb khat nanei uh a, agilkiang te alung tom hi “a hungry man is an angry man” cih paunak khat nanei uhhi. Tuatawh kizui in Seafood ansai sungah agilkiang, alungtom pawlkhatzong omtuak a, tua tungtawn in khatlekhat aki hehsuahgawp uh hihtuak hi.

More: Singapore ah akitawnggawp Myanmar 7 te kumkhattek thongkiading

Kumpi thunei te’n hih buaina vai ah akihel te thusit in, hoihtak kankhiading uh cihi. Hihbang khuasung ah mipi buaina aom ciangin Police te hongzasak pahpah un, Social Media tuamtuam ah aki thehzak ngakphotlo in, buaina khatpeuh aomciangin Police Report hongbawl pahpah un ci’nzong State Police Chief in Press Conference ah vaikhakna neihi. Sawltak #zomidaily