Johor ah mawtaw tuahsia in “Johor Royal Family” sungpan papi khatsi, atanu liam

Johor ah mawtaw tuahsia in “Johor Royal Family” sungpan papi khatsi, atanu liam

Malaysia, Johor Bahru ah ah mawtaw tuahsia in “Johor Royal Family” tanau sungpan in khatin sihlawh cih NST pan kiza hi. Zanni Saturday ni in Danga City Mall gei Inner Ring Road tungah atuahsia ahihi.

Asipa pen kum 58 aphakhin Tunku Amal Jakiah Tunku Mohd Archibald hi a, amahpen “Sultan of Johor” ii Second Cousin ahihi. Ama tuanna mawtaw pen atanu in ahawl hi a, mawtaw apei taalin atuahsia uh ahihi. Amahpen aphual ah sipah a, mawtawhawl atanu zong liam cih kiza hi.

Mawtawhawl atanu pen kum 22 aphakhin khat hi a, Inner Ring Road tungah adang mawtaw khattawh akipelhna panin a mawtawhawl lenkipthei nawnlo “Lost control” ahih manin lamzikpi alangleh alang khenna “Divider” phukha in atuahsia uh ahihi.

Atuahsiat hunpen zingsanglam 9:45am hunpawl in atuahsia uh ahihi ci’n Johor police chief Datuk Seri Wan Ahmad Najmuddin Mohd in Statement ah tuni in genkhia hi.

Asi Tunku Amal Jakiah ii luanghawm pen Sultanah Aminah Hospital (HSA) ah Postmortem bawlding in kipuakpah a, atanu zong tau zato mahah aliamma te kibawlding in zato lum cih kiza hi. Atanu pen Businesswoman khat ahihi.

More: Johor Bahru ah Toyota mawtaw nih kiphukha, mi 2 si in adang mi 2 liam

Hih tuahsiatna pen “Section 41(1) of the Road Transport Act 1987” thukhun tawh kizui in Case kibawl cih kiza hi. ZD Sawltak #zomidaily