Jerusalem vai hangin akisapleh Malaysia galkap te Ready sa in omkhinta ci

Jerusalem vai hangin akisapleh Malaysia galkap te Ready sa in omkhinta ci

Jerusalem vai hangin gamuk makaipi te leh thunei te’n thu hongpiak nakleh ko galkap “Malaysian Armed Forces (MAF)” tepen akigingsa in ka om uhhi ci’n MAF te’n genkhia hi. Defence Minister Hishammuddin Tun Hussein inzong anunung ah phutding khatpeuh aomleh ihgam pen ki ginkholh kulta hi ci’n genkhia cih Bernama pan kiza hi.

Defence Minister khat kahihna tawh Malaysian Armed Forces (MAF) panin vaihawmding leh sepding thu hongkipiak nakleh asempah dingin ka om uhhi ci’n Yang di-Pertuan Agong, Sultan Muhammad V in genkhia hi.

Armed Forces Chief (General Tan Sri Raja Mohamed Affandi Raja Mohamed Noor) leh MAF tezong kigingkhin, Ready khin uhhi ci’n Mr Hishammuddin in nung Saturday (Dec 9) ni in UMNO General Assembly 2017 ah agenkhiat ahihi.

US President Donald Trump in Jerusalem pen Israel gam ii Capital khuapi hi ci’n theihpihna apulakzawh, leitung gamtuamtuam aom Muslim te alungso ngeingai uh ahihi.

Middle East sung aom gamtuamtuam ahzong zanni Sunday (Dec 10) ni in mi tultampitak in Jerusalem vai hangin lungphona neikawikawi uhhi.

Israeli Prime Minister Benjamin Netanyahu inzong Paris khuasung “French President Emmanuel Macron” ah Press Conference panin agenkhiatna ah hih Jerusalem pen ka gam uh ii khuapi ahiden hi ci’n genkhia hi. Palestinians te’n athuman, ahihna taktakpen atheihding uh kisamhi ci’n genkhia hi. Tua hileh asawtlo in kilemna Peace omthei panding cihi.

Turkish President Recep Tayyip Erdogan in ahihleh Donald Trump ii gamtatna pen Warning apiadenkhat hi a, Israel gampen mi tampi athatlum “terrorist state” khat hi ci’n genkhiagiap hi.

Zanni Sunday ni in Jerusalem’s Central Bus Station aom Israeli Security Guard khat Palestinian gammi khatin temtawh dawt in nakliam mahmah kici hi. Tua adawtpa pen kimanpah hi.

More: Yangon, Pazundaung Township sung aom lampi 15 te One-way in kilaihding

Muslim leh Arab gamtuamtuam ahi Jordan, Turkey, Pakistan, Malaysia cihte ah hih Jerusalem vai hangin mi tultakpi takin lungphona neingeingai uhhi.

Lebanon, Indonesia, Egypt, Morocco leh Palestinian territories sungahzong lungphona kinei kawikawi hi. Sawltak #zomidaily