Japan ah mi 9 atuang Helicopter khat kia in, 3 asisa in kimu, 6 kimuzo nailo

Japan ah mi 9 atuang Helicopter khat kia in, 3 asisa in kimu, 6 kimuzo nailo

Japan gamsung ah mi 9 atuang Helicopter khat kia cih AFP News pan kiza hi. Hih Helicopter pen “Mountain Rescue Exercise” abawl laitak uh hi a, asung ah atuangte zong Rescue Team leh Local Officials vive ci uhhi.

Tuni Sunday (Mar 05) ni in akia hi a, atawmpen mi 3 siding hi ci’n Media leh Officials te’n genkhia uhhi. Public Broadcaster NHK te genna ah Central Japan, Nagano Prefecture sungah akia ci uh a, vuktawh akidim mualpang khatah akia ci uhhi.

“Fire and Disaster Management Agency” te’n agenna ah mi 3 ki mukhiapan a, athum in asisa in kimu cihi. Asihna akankhiat uhciangin “cardio-respiratory arrest” ci’n lauthawnglua in asi hiding “Feared Dead” ci uhhi.

Adang mi 6 tezong ki muzo nailo cihi. Local Reporter te genna ah hih vanleng tungah atuang mi 9 tepen Rescue Workers leh Local Government Officials vive hi uh a, hih vukmualdawn tengah “Mountain Rescue Drill” akisin laitak in atuahsia, akia kici hi.

More: US, Tennessee ah vanlengneu khat kia, mi 3 tuang in avek un si

Local Police te leh Officials te’n adang mi 6 te azonsan laitak ci a, NHK TV te’n Helicopter zong asiacip in mualpang khatah kimu cih genkhia uh ahih manin, tua mi 6 te bang acidiam cih ki theician nailo hi. ZD Sawltak #zomidaily