Itna nei leng ~ Lianbawi

1. Itna nei leng limci kisa a,
A duh bek hi leng kikham baih se hi.

2. Itna nei leng melhoih sak zo a,
Mel a hoih zong itna nei kei leng ki mudah baih hi.

3. Itna nei leng kisem zo a,
I sep zawh ding hang itna i neih kei leh a tawp dong kisem nuam lo hi.

4. Itna nei leng thuak zawhna kinei a,
Itna nei kei leng ki muneu baih se hi.

5. Itna nei leng kipia khia ngam a,
I piak khiat hangin itna hikim khin lo thei hi.

6. Itna nei leng kingai den thei a,
A ngai bek hileng ki mangngilh pah hi.

7. Itna nei leng i lungkim den a,
I lungkim hangin itna nei kei leng sawt kimang lo hi.

8. Itna nei leng minam ki-it a,
Zomi i hih hangin minam ki-it kim khin lo hi.

9. Itna nei leng a hoih lam in kimu thei a,
Itna nei kei leng a hoih pipi zong a sia in kila thei hi.

10. Itna nei leng i lung nuam baih a,
Itna nei kei leng i lungkham den hi.

11. Itna in Upna, Lametna sangin thupi zaw a,
Upna lametna i neih hangin itna i neih kei leh a mawkna hi. (1Korin 13:13)

12. Itna in i khua hong lum sak thei a,
Itna nei kei leng i khua-ul baih phadeuh se hi.

(P. Lian Bawi – Ka lungsim tawng pan)