Italy gamsung ah mawtaw paina lei khat kicimin mi 2 si, 2 liam

Italy gamsung ah mawtaw paina lei khat kicimin mi 2 si, 2 liam

Italy gamsung Ancona City aom Motorway Bridge khat kicim ahih manin mi 2 in sihlawh cih BBC pan dendiakmah in kiza hi. Asi mi 2 tepen lei akicip ciangin anuai ah mawtaw tawh atailaitak akituakkha citciatte in asihlawh uhhi ci’n Italian Official in genkhia hi.

Tua lei nuai ah atai lampi pen Loreto khua leh Ancona South kikawmna lamzikpi ahihi. Asi mi 2 banah adangzong Romanian Workers mi 2 liam uh cih Italian Media tepan kiza hi.

Asi mi 2 tepen nupa hi uh a, Ascoli Piceno Province sung aomte ahi uhhi. Lei kicimsuk in dengkha citciat ahih manin, a mawtaw tuanna uh Nissan Qashqai pen nencip sukgawppah hi.

Tuahsiatna apianzawh hih lei pen ki khakcippah a, Maintenance bawlkikna neiding uhhi.

Agei ah atuakkha khat ii genn ah thakhatthu in lei pen hongcimsukdam a, kamai ah numeikhat mawtaw tawh apai hi in, ahunlap in khawlman bilbel hi. Tuanu ii omnaleh lei akicipna pen 10m (33 feet) bekbek kigamla in, lauhuai mahmah hi ci’n genkhia hi.

More: Italy gammi khat Buddha Tattoo hangin Kawlgam pan ki hawlkhia

Na lamdangpi khat, Miracle pikhat himawk ei, kolam hongbankha kei bilbel ci’n tuapa in genkhia hi. Hih Accident hangin lamzikpi alangleh alang ki khakcippah a, thunei te’n Maintenance vai sepding akisamteng semsakpah uh cih kiza hi. ZD Sawltak #zomidaily