ISIS migilote kapna US$190 Million man F-22, ISIS ngongtat te thu leh hun nunung

ISIS migilote kapna US$190 Million man F-22, ISIS ngongtat te thu leh hun nunung

Laisim mipih akua mapeuh

Tu laitak US kumpi leh leitung alawm apawl kumpi gam 20 bangin abuai pih ISIS Islamic State gam tuam khat ading nuam hiamgamh migilo te’n midik mawhna neihlo tampitak aza aa sim aa akap lum ziakziak ban thamlo US gam mite muhna peuh ah thak asawm Al Qaeda te nung migilo pen kipawlna IS te’n thauvui, thautang galhiam namkim kicing takin aneih uh banah, (Fund sum) bang hau lua uh kisa US$500 billion val bang neih tazen uh ci hi.

Hih te hong khanglian semsem leh leitung in nidang Nazi Hitler lai mahmah hong bat ding US President Obama lung himawh ahih man, ama mah makaai in leitung gam tampi ah, zin kawikawi banah Secretary of State, John Kerry pen Arabs gam tengah paisak kawikawi in, hih ISIS te do mang cimit theih nading ong hanciam mahmah uh hi.

http://www.youtube.com/watch?v=bsCZzpmbEcs

http://www.youtube.com/watch?v=cHvTBuH-CAs

US gam te’n van lam pan akap uh akipat lian hun in khat vei zong azat ngei nailo uh athak sitset Jet Fighters10 tak tawh hong kap se uh ahih manin, Sen gam leh leitung bup khat in lamdang kisa in thupi zong kisa ahi hi. Nidang Iraq khawng ah akizang leh US te’n leitung alawm apawlte gamte azuak ziakziak uh ahi F-15, F-16, cihte khat ciang’ US$30 million man pen tu aa, F-22 te khat ciang’ US$190 million man tazen zong ahi hi. Tampi bawl asawm uh hang’ tam manlua leh vanleng lui atul sawm asim in neih uh ahih man, tu aa F-22 pen 400 val bek bawl uh zong ci hi.

Tu ni ciang dong US te leh France ten nisim phial akap ngekngek banah England, Netherlands, Australia, etc, cih gen thamlo US leh Saudi gam te’n zong van lam pan a (Target) teng uh asuh siat zo tei hang’ leilam pan zong Iraq gam Syria gam kumpi galkap te tawh (Face to Face) lei lam pan kikap hinapi kikhin kawikawi leh mun tampi ah phual sat khin uh ahih manin, baihtuanlo nahi tuak in, kipan hak khadan uh nahi zo zen ahi hi.ci hi. Ei Pasian thuzui Zomi akua mapeuh ding hun nunung ah, ISIS te vai tu laitak lunglut ahuai mahmah leitung gal hongsuak ahih mah bangin, Ebola virus natna zong ih upmawhlo hun laitak leitung gal khat mah hong suak in LST sung aa, Topa Zeisu’n ka hun nai ciang’in, acih thu zong hong phawk sak khat zong hong suak ahi hi.

Kham Khan Suan (Artist Kyaw Kyaw Oo)