IS dingin upmawh te’n ICRC te nasem Afghan mi 6 kiim that

IS dingin upmawh te’n ICRC te nasem Afghan mi 6 kiim that

Feb. 9, 2017: IS galkapte dinga upmawh ten zan in Afghanistan gam-a Jowzjar province leilu lam-ah sih theih ding zah a hat vuk tawh kithuah huihpi nun’na (deadly snow storms) ah International Committee of the Red Cross (ICRC)-te nasem Afghan mi guk that uh a, ICRC nasem (employees) nih tu dong kimu loin mang lai uh hi ci-in ICRC spokesperson Thomas Glass in gen hi.

Thomas Glass in ISte’ thah hi dingin ki-ummawh a, ahih hangin a that liante kitel nai lo hi ci hi. “Afghanistan gamah hih banga dahhuai news hangin ka dah mahmah a, sihna tuakte innkuanpihte leh a mangte innkuanpihte ka dahpihna ka pulak hi,” ci-in ICRC President Peter Maurer in a Twitter ah pulak hi.

Jowzjan province governor J. Lotfullah Azizi in Reuters news agencyte kiangah ICRC nasemte pen huhna van pua in mawtaw hon (convoy) tawh vukkhal kicim (avalanche) hanga dongtuakte huhna pia dingin pai uh hi a, tua kiim pen ISte’ hatna leh ngimna mun hi ci hi.

ICRC nasem mimang nihte rescue operation team ten zong lai uh hi. Source: Al Jazeera and news agencies/ Thang Khan Lian