Myanmar, Irrawaddy Region sungah Bus nih kiphukha, mi 4 si, 13 liam

Myanmar, Irrawaddy Region sungah Bus nih kiphukha, mi 4 si, 13 liam

Myanmar, Irrawaddy Region sung aom Yangon – Pathein Highway lamzikpi tungah Express Bus golpi te nih kiphukha in mi 4 si cih kiza hi. Local Police te’n agenkhiatna ah Irrawaddy Region, Pantanaw Township sungah Wednesday sunlam in thupiang ci uhhi.

Aki phukha Express Bus tepen “Ye Aung Lan” leh “Saydanar Shin” kici khualzinmi te tuanna Bus golpite ahihi. “Ye Aung Lan” Express Bus pen Rakhine State, Thandwe Township panin Yangon zuanin atai hi a, adang mawtawkhat makhelhding in akithawi laitak in alanglampan “Saydanar Shin” Express Bus tawh kimai phutkhak uh cih Irrawaddy News te’n genkhia hi.

“Saydanar Shin” Express Bus tungah atuang Passenger mi 3 leh ahawlpa pen aphualmah ah sipah a, adangzong Passenger mi 13 bang liamgawp uh ahih manin Pantanaw General Hospital ah kipuak uhhi.

Pantanaw General Hospital panin thunei te genna ah hih Traffic Accident tuahsiatna panin aliam tampitak zato ah hongkipuak mahhi ci’n genkhia uhhi.

Local Police te’n Express Bus tuahsiatna vai hoihtak kancianding uh a, Penal Code Section 304 (a), 337, 338 thukhun ombang in thu bawlding uh cihi.

Related: Yangon Yuzana Garden ah innteeng nasem numei kum 13 khat kibawlsia gawp

Khuasung mite’n Social Media tungah agelhkhiatna ah hih Highway lamzikpi pen mawtaw nih apaithei dingin Two-lane Highway in akibawl hi a, ahi zongin lampi neulua mahmah ahih manin, mawtaw aki makhelhding ciangin lauhuai mahmah hi ci’n gelhkhia uhi. Sawltak #zomidaily