Iran innsang mahmahkhat meikangin kicim, Firefighter mi 30 sikhin
Tuni Thursday ni in Iran gam ii khuapi Capital ahi Tehran City ah innsang mahmah khat meikang in, kicimsuk ahih manin meiphelh in abuaimahmah Firefighters mi 30 in sihlawh cih AP News pan kizasawn hi.
Hih meikatna hangin asi aliam bangmah omkhin cihte ki theician nailo hi. Firefighters tampitak in meiphelh in naitampisung buaipih mahmah uh a, Police te’nzong innkatna panin mi aki hepkhiat nadingleh apualam panin mi aluttheihloh nadingin ageiteng ah encik in buaimahmah uhhi.
Hih meikatna Journalist khatin TV sungah Interview adotdot laitak in innsangpi High-rise Building pen hongkicimsuk zaizai a, meiphelh in kahleisang dawnpan tui akapkap meiphelh te nawksuk khadek uhhi.
Meikhu zong nasia mahmah a, lipkhap mulkimhuai mahmah hi.
Hih meikatna innpi pen Plasco Building ci’n kiza a, Tehran Skyline a etlawmsak mahmah Iconic Building khat ahihi. 1960s kumpawl in akilam hi a, dawl 17 pha hi. Hih Building akilamcil in Tehran khuapi sungah asangpenpen hi a, aminthang mahmahkhat ahihi.
Hih Building sungah Shopping Mall tawh akizompah ahih main, vanhoih vanmanpha tampizong kisuplawhding in ki ummawh hi.
Video Clip anuai ah ki enthei hi
Hih meikatna ahangpen ki theician nailo a, asi aliam leh bangzah kisum cihte ki genkhia nailo hi. ZD Sawltak #zomidaily
Comment piaknop aomleh...