Malaysia, Ipoh khuangei ah Bus golpikhat tuahsia, mi 2 si, 38 liam

Malaysia, Ipoh khuangei ah Bus golpikhat tuahsia, mi 2 si, 38 liam

Malaysia, Ipoh khuagei ah Passenger apua Express Bus golpikhat tuahsia in mi 2 si a, adangzong mi 38 bang liamgawp cih theStar pan kiza hi. Ipoh – Lumut Road kici lamzikpi ii KM12.5 na ah tuni Sunday zingsanglam in atuahsia ahihi.

Lamzikpi ii alaizangah alangleh alang lamzik kikhenna “Road Divider” nawkkha in atuahsia kici a, asi mi 2 tepen tua mawtaw ahawlpa leh Passenger khat ahihi.

Hihvai tawh kisai in thunei ahi State Traffic Investigation and Enforcement chief Supt Ahmad Adnan Basri in agenkhiatna ah Express Bus Driver papen a mawtaw limtak hawlthei nawnlo, Lost Control ahih manin Batu Gajah geinai aom Road Divider ataihkha hi ci’n genkhia hi.

Tua atuahsia Express Bus pen Kelantan, Kota Baru panin Lumut khualam zuanin atai laitak hi a, Sunday zingsang 5am hunpawl in atuahsia ahihi.

Video: The driver of an express bus and one of its passengers died after the bus they were travelling in hit a road divider at KM12.5 of the Ipoh-Lumut road near Batu Gajah, Perak on Sunday. The driver, who died in the incident, lost control of the vehicle which then hit the road divider.

Express Bus sungah mawtawhawl Driver mi 2 hi a, tuaban ah Passenger bekbekzong mi 38 atuangkhawm uh ahihi. Express Bus sungah atuangkha Passenger khempeuh avekun liamtek uh ahih manin, Batu Gajah Hospital ah kipuak uhhi.

More: Malaysia, Muar ah Passenger Bus leh Lorry kiphukha, mi 3 si in 25 liam

NST te pulakna ah tua atuahsia Express Bus pen dawlnih apha “Double decker bus” namte hi a, Passenger lakpan asi penzong University sangnaupang numeikhat ci uhhi. Express Bus atuahsiat madiak in hathawl mahmah in, tuazawh asawtlo in atuahsia kici hi. Atuahsiat laitak pen zingsanglam 5am hunpawl ahih manin, atuahsiat laitaklian in Passenger atamzaw pen a ihmut laitak uh kici hi. Sawltak #zomidaily