Malaysia, Ipoh ah palik khat thautawh alu pan kikaplum

Malaysia, Ipoh ah palik khat thautawh alu pan kikaplum

Malaysia, Ipoh aom Police Headquarters sungah palik khat thautawh alu panin kikaplum cih Bernama pan kiza hi. Tua palik papen Lance-corporal panmun tawh asep laitak hi a, tuni zingsanglam 6:15am hunpawl in Pekan Baharu Police Headquarters anunglam ah asisa in akimukhia ahihi.

Hihvai tawh kisai in palik thunei ahi Perak deputy police chief Datuk Razarudin Husain@Abd Rasid in agenkhiatna ah aki kaplum palik papen kum 29 aphakhin khat hi ci’n genkhia hi.

Asihna ahang taktakpen limtak in kikancianding hi. Alu ah thautawh akikapna liamma kimu hi ci’n Repoters te tungah genkhia hi.

Tua akikaplupna thaupen Pistol hiding kici a, tua Pistol pen adang Policeman khat ii neihsa hiding in ki ummawh cihzong genkhia hi.

Aki kaplum palikpa pen zi leh ta neinailo Single khat hi a, Anti-Vice, Gambling & Secret Societies Division (D7) ah akihelkhat ahihi. Pekan Baharu Police Station ah asepzawh sawtnai hetlo a, asepzawh ni 2 ni in hihbangin thautawh kaplup athuak ahihi.

Tua palik papen tangvallai Single ahih hangin anu tawh phone kiho tangtangin aki thuza zelzelkhat ahihi. A meltheihte khat ii agenna ah aki kaplupmadiak inzong anu tawh phone ki hopih uh cihi. Anu tawh ninih hal cihbangin phone tawh aki hopih tangtangkhat hi a, anu leh ameltheih te’n asihna thu azak uhciangin lamdang samahmah uhhi.

More: Malaysia khuapisung tengah palik mi 1000 val ki vaksak kawikawiding

Aluanghawm pen Hospital Raja Permaisuri Bainun mortuary ah kipuakding a, tualai ah agilkhei in Postmortem kibawlding hi. Tuakhit ciangin ama omna Klang vengsung aom a innzang ah ki ciahpih in sihvui hunbawlna kineiding cih kiza hi. Malaysia gamsung ah tusawng thautawh kikapna vaitawh kisai in buaina kinawhzak pianpian hi. Sawltak #zomidaily