Malaysia, Johor State sung aom innkhat ah Sokval ihcih “Cobra” gulvom, agu akhauh mahmah te khat alut laitak Video kizaihkha in Social Media ah minthang mahmah a, ki thehzak hi.
Johor, Batu Pahat vengsung aom innsung khatah alutsawm kici a, hih Video aki koihzawh tulian laitak in nai 23 sungbek hipan a, ahi zongin 2,930,148 Views phakhinta hi.
Facebook tungah Derrick YiFan kici User khatin a Post khiat hi a, zanni Sunday zingsanglam 4am hunpawl in innpualam aom khedap koihna “Show Rack” gei ah amuh cihi.
Hih Cobra gulpen upmawh in pi 8 bang sauding kici a, khedap koihna lampan in inn kongkhakpi lam zuanin taihpang ah kahto mawk hi. Kongkhakpi “Main Door” pen kikhakcip ahih manin, alutnading zongzong a, tuaciangin kongkhakpi ii atung avangkawm ah lutsuk mawk hi.
Video tawh na etnopleh:
Facebook ah akoihpa Derrick in agenna ah kamphatna tawh tualaitak innsung ah kuamah omlo bilbel cihi. Tuaciang in Fire and Rescue Department (Bomba) te kisam a, innsung ah gul kizongsak hi.
Ahi zongin tua gulpen alutsukna innsung ah Bomba te’n azon hangin muzolo uh cimawk hi.
Related: Sungkhakden khat nga gul ahingin ataw pan hento in, agil nagawp in kikhei khiakik
Derrick in Facebook ah agelhbehna ah tua Cobra gulpipen kongkhak Window panin paikhia ahidiam cihciang ki ummawh ci a, atunna kithei nawnlo mawk hi. Tu’n kalau mahmah uh, koi ah om hidinghiam, cikciang hong paikikdiam laulua ci’n gelhkhia hi.
Sokval “Cobra” gul hiciacia innsung ah honglutmawk henla, atunna keithei keileh tua innsung ah omdanpen anop hetloding himawk hi. Sawltak #zomidaily
Comment piaknop aomleh...