Video: Inndawl 2 na pan akiasuk numeino khat leilak atuksukma in kimankha

Video: Inndawl 2 na pan akiasuk numeino khat leilak atuksukma in kimankha

Turkey gamsung aom Istanbul khuapi sungah naupangno khat inntung panin kiasuk in, leilak atuksukma in pasal khatin naman khathei bilbel hi. Tuabangin naupangno akiasuk amatlaitak Video kizaihkha in, tua Video pen Social Media tungah ki thehzak (Viral) pah hi.

Athu akigenna ah tua thupiang pen Istanbul City, Fatih District vengsung ah thupiang kici hi. Inntungpan naupang kiasuk amanpa pen amin Fawzi Zabaat kici a, kum 17 aphakhin khat ahihi.

Tuapa pen Fatih District vengsung ah khetawh apai laitak in, inntung khatah naupangno akimawl galmuh hi. Tua naupangno pen kum 2 aphakhinpan numeino kici a, aomna Apartment ii tawlet (Window) geinai ah kimawl in kiasuk dekdek hi. Tua numeino akimawlna pen inndawl 2 na ahihi.

Video: A viral video has turned a young man into the hero of the hour in Istanbul after he was seen catching a toddler as she plummeted from a second-floor window.

Tuabangin amuh ciangin tuapa inzong ageinai aomte’n amuhding, akepding uh lunggulh in otsan hi. Ahi zongin tua naupangno pen kiasuk takpi a, pasalpa inzong anuai panin napangin leilak aki saksukma in manthei bilbel hi.

More: Inntungpan guaktang in akiasuk Model pen aki sawnkhia hiding ci

Tua thupiang hangin pasalpa pen thupi kisa mahmah hi. Dogan News Agency te’nzong Interview bawl uh a, thudotna adawnkikna ah “khuasung lamzik sungah kakhe tawh kapai laitak in, tawlet gei ah numei naupangno khat akiasukdek kamu hi. Ka otsan hangin kuaman mumanlo in, hong kiasuk takpi a, kamphatna tawh leilak atuksukma in kamanthei bilbel hi ci’n genkhia hi. Sawltak #zomidaily