Indonesia, Bali Island ah meimual puakkhamding ci’n ki patau mahmah

Indonesia, Bali Island ah meimual puakkhamding ci’n ki patau mahmah

Indonesia gamsung aom Bali Island kici tuikulh pen gamdangmi Tourist tampitak kumsim in azindetna, aminthang mahmah Tourist Destination khat ahihi. Tua tuikulhtung aom “Mount Agung Volcano” kici meimual pen tulaitak puakkham dekdek kici in, Indonesian Authorities te’nzong mipi te Warning piakhin uhhi. Hih Mount Agung Volcano mualpen Bali Island ah mualsangpenpen zong ahihi.

Hih meimual apuakkhamding pen naimahmah khadingin ki ummawh ahih manin, tua Mount Agung Volcano tawh akinai aom khuasungmi 200,000 bang Warning piakna kumpi thunei te’n neikhin uhhi. Tualak ah tuciangciang 10,000 valbang in innlehlo neihlelam teng nusia in ki hemkhiata uh cih AP pan kiza hi.

Tua Mount Agung Volcano panin 12km Radius kimkot ah aomkha khuasungmi, khualzin gamvakmi khempeuh avekun aki hepkhiat mengmeng nadingin Indonesia Authorities te’n avaihawmsan laitak uh ahihi. Tua 12km Radius sungtengpen lauhuai phadiak, Critical-risk Region ci’n aciapteh uh ahihi.

Nungsung kalkhat valsungdeuh akipan hih Mount Agung Volcano meimual pen puakkham theiding cih akigen masa hi a, ahunhun in Alert Level zong khangtoto hi. Tutung akipia pen Alert Level athumveina hitota a, Category 4 tungta, puakkham petmah tading cih ahihi.

Indonesia Media te genkhiatna ah gamsung aom Wild Animals akici gamsa pawlkhat ahi gul, zawngkuh cihte nangawn hih meimual puakkhamding theikhol leh kilawm a, tuakuam sungteng panin ki hemkhia, taikhia uh cihi.

Tuabang in gamsung gamsa te nangawn aki hepkhiatna tungtawn in, tua meimual anuaizangteng ah ateeng khuasung mite’nzong hihpen limlahkholhna hi ci uhhi. Meimual pen puakkhamthei takpiding hi ci’n genkhia uhhi.

Abeisa hihzahliang in alauhuaiding akici Alert Level omngeilo a, anunungpen hihbangdan Alert akipiapen abeisa kum 54 hunlaipek hikhinta hi.

Mount Agung Volcano anunung apuakkhap pen 1963 kumpek hikhinta a, tuahunlai in meimual panin Lava kici asa mahmah buanciim luangkhia, ki phitkhia ziahziah in mi 1100 takin sihlawh uhhi.

Video: 11,000 people have been evacuated as tremors shake Mount Agung volcano in Bali

https://www.youtube.com/watch?v=JWX4K2v-InY

Indonesia gamsung ah meimual ahing “Active Volcano” pen akigawm in 130 bang om cimawk a, tuateng pen Pacific “Ring of Fire” tungah aomkha vive ahihi. Meimual tepen “Active Volcano” ahih nakleh apuakkhaploh asawt mahmah hangin, hunkhat ciangin puakkhamkik vevethei hi. Hih Mount Agung Volcano zong apuakkhap anunung pen 1963 kumpek hi a, tu’n apuakkham dingin akithawikik ahihi.

Vocano (meimual) Alert pen Category 4 in kikhen a, anuai abang ahihi.

Summary of Volcanic Activity Alert Notification System

• Normal: Typical background activity of a volcano in a non-eruptive state
  After a change from a higher level: Volcanic activity considered to have ceased, and volcano reverted to its normal, non-eruptive state.
• Advisor: Elevated unrest above known background activity
  After a change from a higher level: Volcanic activity has decreased significantly but continues to be closely monitored for possible renewed increase.
• Watch: Heightened/escalating unrest with increased potential for eruptive activity (timeframe variable) OR a minor eruption underway that poses limited hazards.
• Warning: Highly hazardous eruption underway or imminent.

Tulaitak Mount Agung Volcano meimual pen Category 4 na hita a, “imminent Eruption” ci’n puakkham dektak petmahta cihna ahihi.

Related: September 23 ni ciangin leitung beiding cih thuthang kilimgen

September 23 ni leitunghun beiding, meimual puakkhamding, zin lingding ci’n nungdiak in aki gengen thuthang pawlkhat om hi. Leitungbup abei takpi keizongin hih Mount Agung Volcano meimual puakkham mawkleh mi honkhatte adingin leitunghun abeimah suakmawk dinghi. Sawltak #zomidaily