Indonesia, Java ah Passenger Bus khat tuahsia in mi 27 si, 16 liam

Indonesia, Java ah Passenger Bus khat tuahsia in mi 27 si, 16 liam

Indoensia, Java Island ah zanni Saturday (Feb 10) ni in Passenger Bus khat suahsia in, mi 27 takin sihlawh uhhi. Tuaban ah aliam bekbekzong mi 16 tak pha uhhi.

Hih Passenger Bus sungah akigawm in Passenger mi 40 val atuang kici a, atungah atuang Passenger tepen gamdangmi kihello, gamsung khualzin “Domestic Tourists” vive hizaw kici hi.

Subang Region, West Java Province sungah atailaitak in Motorcycle khat phukha masa in, tuakhit ciangin lamkhanglam ah akilawnkhia cihi. Lamzikpi akhanglam ah tamveipi aki lumlet sukgawp ahih manin, asungah atuang Passenger tezong asi aliam atam ahihi.

Hih Bus sungah atuangkha Passenger atamzaw pen South Tangerang, Java’s Banten Province sungah ateengte vive hizaw kici hi.

Police te’n hih Passenger Bus tuahsiatna ahang akanciansan laitak uh hi a, ahi zongin Brake ahoihloh hangin atuahsia hiding kicitek hi.

Officers te genna ah Bus sungpan in asi aliam te kihemkhia in, Local Hospital khatah kipuak cihi. Subang hospital spokesman Mamat Dudirakhmat in agenna ah ko zato ah misibuk pen misi dimkhin ahih manin, misi ki puakbehthei nawnlo hi ci’n Local Broadcaster Metro TV te tungah genkhia hi.

Indonesia gamsung ah Bus leh Train tepen luithei mahmah in, hoihtak in ki kemcinglo, Maintenance hoihlo ahih manin, Accident tamthei mahmah kici hi.

Video: Indonesia: 27 killed, 16 injured in Java bus accident *GRAPHIC*

https://www.youtube.com/watch?v=6ozLARQsAOM

Malaysia gamsung ah 2017 kumsung Road Accident hangin misi 6740 pha

Malaysia gamsung ah Road Accident, mawtaw tuahsiatna hangin 2017 kumkhatsung misi pen 6740 pha cih Bernama te’n genkhia uhhi. 2016 kumsung in Road Accident hangin asipen mi 7152 hi a, tuatawh tehkakna in 2017 kumsungpen Road Accident hangin misi tamzawdeuh hi.

More: Thai, Nonthaburi ah mawtaw tuahsia, Myanmar gammi 3 si, adang mi 6 liam

Hihvai tawh kisai in kumpi ulian ahi Transport Minister Datuk Seri Liow Ting Lai in agenna ah tuahsiatna apiangsak atamzaw pen Motorcycle tuangte hanghi. 2017 kumsung in Motorcyclist asi bekbekpen mi 4348 phahi ci’n genkhia hi. Sawltak #zomidaily