Indonesia gamsung ah pasalno kum 16 aphapan khatleh nupi meigong kum 71 aphakhinkhat ki ngai in, ahi zongin akiteending meltheih tanau te’n phalpaklo uhhi.
Aki teending uh ki phallo in, a innkuanpih te’n thupha apiaknopkei uleh kanih un kaki sihbawlding, kaki thatlumding uhhi cimawk ahih manin anunung ah kikhamzolo in akiteengsak cih Indonesian news portal Detik pan kiza hi.
Kum 16 aphakhinpan pasalno pen Selamet Riayadi cih minneikhat hi a, kum 71 aphakhin nupinu pen Rohaya kici hi. Rohaya kici nupinu pen nihveitak pasal anei ngeikhin cisawnsawn hi.
Indonesia, Western South Sumatra Province sung aom Karangendah khuasung ah thupiang hi a, kiteenna mopawi pen Ramadan pawima in abawlsawm uh ahihi.
Ahi zongin nupinu pen nihvei pasal anei ngeikhin ahih manin, a innkuanpih te’n phallo uh a, mopawi bawlpaktheilo uh cihi.
Khuasung hausapa in agenna ah langnih innkuanpih te’n akiteending phallo, thupha piaksawmlo ahih manin anih un ki sihbawl sawmliang uh cihi. Khat asihleh akhatzong siding ci’n kiciam uh cimawk hi.
Video: Boy, 16, ‘marries 71-year-old woman in Indonesia after the completely in love couple threatened to kill themselves if their union was blocked’
Tuaciang in khakhat khitciang langnih nulepa te’n phalna piata uh ahih manin akiteeng uh cihi. Hih nupa tepen akum mahmah uh kikhailua ahih manin akiteending uh akiphallo ci a, neihlelam ahihleh anih un mizawng innkuanpan ahih manin bangmah nawngkaina omlozawvet cihi.
Indonesia gamsung ah pasal khatin Official zi aneihtheih nadingin kum 19 aphak akul ahihi. Ahi zongin hih pasalno pen kum 16 bek aphapan hi a, kua in kiteentheih nadingin phalna pia cihpen kitheilo cihi.
Related: Indonesia ah pasal khat aki gui awk (Suicide) laitak Facebook Live in khahkhia ~ ZD
Hih akiteeng tegel pen anih un Muslim hi uh a, “nikah siri marriage” cihtawh khuasung mipi te theihpihna tawh akiteeng uh ahihi. Islam biakna sungah kiteenna aneiding tepen akum tuazah cih ciangtan omlo ci a, ahi zongin zineiding ahih keileh pasal neiding khatzawkzawk kumcingsa ahihkul kici hi.
Hih pasalno khatleh nupisa meigong khat ii kiteenna Photo leh Video pen Social Media tungah ki thehzak “Viral” gawp in lamdang kisa mahmah hi. Sawltak #zomidaily
Comment piaknop aomleh...