Indonesia ah memcim leh guahtui tamluatna hangin mi 19 si khin

Indonesia ah memcim leh guahtui tamluatna hangin mi 19 si khin

Indonesia gamsung ah tuni Wednesday (September 21) ni in guahtui tamluatna leh mencipna hangin cimawh dongtuak tampi omkawmkal ah asizong ki behlap toto in, tuciangciang mi 19 bang in sihlawh cih AFP News panin kiza hi.

Ahuaisiat nadiakmun pen Java Island sung hiphadiak a, guahtui tamluat manin tui khanggawp in Pi 6.5 bang khangtovat ci’n National Disaster Agency pan Spokesman khatin Statement ah genkhia hi.

Asi mi 19 bang aphakkhit banah abangcip aki muzonailo zong honkhat omlai cihi. Asi lakahzong naupang angeklai mahmah kha 8 aphapan khatzong kihel ci a, tualo adang naupang kum 10 nuai aphapan zong mi 4 bangin sihlawh uhhi.

Hih khuahun siatna hangin mi 1000 valthamding innlehlo nusia in anuntakna uh asuahtaktheih nadingin taikhia uh a, tulaitak Shelter leh belhbukding in akibawltawm munte ah omtekphot uhhi. Search and Rescue Team tezong hih dongtuakte ahuhna in buaimahmah uh cih kiza hi.

Indonesia gamsung ah mencim leh tuikhawnggawp cihkhawng pen omthei zelzel a, khuahun theite inzong tukumsung khuahun kikhelgawp ahih manin, upmawhloh hunlaitak in tuikhawnggawpthei ahih manin kidop mahmahding cihte genkhia uhhi.

Tukumsung June kha inzong Central Java ah guahtui tamlua, mencim leh tuikhang tuamtuam te hangin mi 50 bangin anuntakna beilawhkhin uhhi. ZD Sawltak #zomidaily