India’ Space Observatory Astrosat in Vampire aksi in aksi dangkhat athah laitak mu

India’ Space Observatory Astrosat in Vampire aksi in aksi dangkhat athah laitak mu

Jan. 30, 2017: India in space thu lim takin kanna dingin satellite a zat masak pen uh space observatory ASTROSAT kici in a piang mengmeng lo 6-billion a upa “vampire” star kici (vampire i cih ciangin amau nutakna dingin mi a that leh a sisan tawpsakte) aksi khat in amah sanga golzaw aksi dang khat a thah laitak maan in zaih kha uh hi.

Scientists teh hih aksi neuzaw vampire aksi kici a min “blue straggler” ci uh a, a golzaw aksi dang a liatna/a lom (mass) leh tha (energy) tawpsak (sucks) ahih manin tua aksi golzaw pen si hi ci uh hi. Scientists ten hih aksi neu dum (blue) a, aksi dangte sangin ol gamtat zaw (straggler) ahih manin “blue straggler” aksi ahih kei leh vampire star kici hi ci uh hi.

“Tua aksi neu in a golzaw pen a thah khitin golzaw in, sazaw in dumzaw a, nosuah zaw in khangmoi suak zaw hi,” ci-in Indian Institute of Astrophysics Annapurni Subramaniam in ci a, a golzaw pen kang (burned) in a vakna bei ahih manin a si kici hi ci hi. ASTROSAT in observatory satellite pen September 2015 in a lot toh (launched) hi a, a telescope zat uh hoih ahih manin hih bang thupiang a om laitak a mu kha suak uh hi. Hih bangin aksi neuzaw dang khatin amau sanga a golzaw a thah masakna hilo hi.

Hih bangin vampire aksi in a golzaw aksi a thahna thu pen IIA, Inter-University Centre of Astronomy leh Astrophysics (IUCAA), Tata Institute of Fundamental Research (TIFR), Indian Space Research Organisation (ISRO) leh Canadian Space Agency (CSA) scientist team ten Astrophysical Journal Letters ah suaksak uh hi.

More: Yangon Airport ah Sitni khat thautawh kikaplum

Vampire aksi in a golzaw pen a thah laitak “high resolution spectroscopy” tawh a muh uh ahi hi. Hih banga thupiang omna mun pen aksite a lom-a a omna mun (clusters) uh NGC 188 kicihna mun hi a, kum 6 billion sangin upa uh a, ni (sun) sangin upa zaw uh hi. Hih aksite pen pawl khatin 4.5 billion in upa ding hi ci uh hi. Source: The Hindu, Deccan Herald and Financial Express/ Thang Khan Lian