India leh Kawlgam kikal meileng lampi kibawlding

India leh Kawlgam kikal meileng lampi kibawlding

Indian Railways te in 2015 kumsung in Rail India Technical & Economic Services Ltd. (RITES) tetawh kikopkhawm in Kawlgam leh India kikal meileng paitheih nading lampi etcianna nei uhhi.

Tua etcian kancianna Study abawlna pan un Imphal khuasung nawk in India gamsung Jiribam khuapan Kawlgamsung Mandalay khuapi dongah meileng taitheiding cih mukhia uhhi.

Hih Jiribam khua leh Mandalay kikal meileng lampi panin Kawlpi (Kalaymyo) zong meileng lampi tungsaktheihding ci uhhi. Kalaymyo khuasung alutding meileng lampi pen Moreh leh Tamu khuasung nawkin kibawlding cihi.

Tua meileng lampi kibawl hileh India gamsung Jiribam khuapan in Kawlpi dong meileng tawh kipai ziauziau theiding a, Jiribam pan Kawlpi kikal pen agamlatna 360 km bek phading cihi.

Jiribam leh Imphal khua kikal pen agamlatna 125 km hi a, tuapen kumpilam pan phalna leh thukimna ngahkhin cihi. Imphal leh Moreh khua kikal pen agamlatna 111km hiding hi. Tuapan in Tamu leh Kalay kikal pen agamlatna 128 km hiphei leuleu a, Kawlgamsung lamsang meileng lampi bawldingvai pen kumpi lampan in phalna leh thukimna omlian nailo cihi.

Hih thuthang Press Release vaitawh kisai 03 August ni in akidotna tawh kizui in “Minister of Railways Shri Suresh Prabhakar Prabhu” panin a genkhiat ahihi.

Hih India leh Myanmar kikal meileng lampi hongkibawl mengmengleh Zomi tampi ateenna Kawlpi dongin meileng lampi ngahkhading ahih manin, ngahlahhuai mahmah hi. Hih thuthang tawh kisai The Hans India te’n a website ah asuaksakna bangah asawtlo in India pan Kawlgam meileng tawh khual kizinthei tading “Soon, you can travel from India to Myanmar by train!” ciliang uhhi. ZD Sawltak #zomidaily