India, Ranchi khuasung ah innkuan mi 7 aki khailumsa in kimukhia

India, Ranchi khuasung ah innkuan mi 7 aki khailumsa in kimukhia

India gamsungah innkuan khatsung panin mi 7 amau innsung mahah aki guigawklum asisa vive in kimukhia cih AFP pan kiza hi. Indian Police thunei te genkhiatna ah tua akikhailum innkuan mi 7 te lakah naupang 2 zong kihel ci a, hihpen ki suamlupna hidingin ki ummawh hi ci’n zanni Monday ni in genkhia uhhi.

Tua innkuan tepen India, Jharkhand State ii khuapi Ranchi City sungah aom uh ahihi. Asi te lakah numei 2, pasal 3 leh naupang 2 kihel uhhi.

Amasa aki kankhiatna ah hihpen amauleh amau aki sihbawl, Suicide hiding kici hi. Aki sihbawlma un laigelh akinusia “Suicide Note” zong kimukhia in, innkuansung nekledawn, sumlepaai hamsatna hangin aki sihbawlna thu kimukhia hi ci’n Ranchi Police Station panin Senior Superintendent Anish Gupta in genkhia hi.

Police te genna ah amasa in asanggam pasal agolkhin 2 te’n adangteng aki khailuptheih nadingin huhmasa in, tuakhit ciangin amauzong ki khailum uh hiding cihi.

Video: Seven members of a family in eastern India were found hanging inside their home, police told AFP Monday (July 30), in what they said was a suspected case of mass suicide – although two victims were infants. The family were living in Ranchi, the capital of Jharkhand state, and the dead included two women and three men alongside the two children.

Hih innsung ah akiluh, migilo te lutna cihte akipan apualam apanin midangte bawlsiatna cihte kimulo hi. Suicide Note sungahzong khuttawh akigelh, innkuansung sumlepai hamsatna lianpi tuakkha ahih manin, a innkuan un aki sihbawl uhhi cihi ci’n Ranchi Police te’n genkhia uhhi.

India, New Delhi khuapisung ahzong nungdiak mahmahin innkuan mi 11 tak asisa in kimukhia ngeikhin hi. Tua innkuan 11 te lakah mi 10 tepen khaukual tawh aki khailumsa in kimukhia a, adangkhatpen leilak ah asisa mahin kimu hi.

More: India, New Delhi ah innkuan mi 10 tak innsungah aki khailumsa in kimu

Police te genna ah New Delhi khuasung ah asi mi 11 te leh hih Ranchi khuasung ah asi mi 7 te ii asihdan, Suicide Note sungah lai akigelhzia cihtepen akibang tammahmah hi ci’n genkhia uhhi.

Myanmar, Ayeyarwady Region sungahzong innkuan khatpan anu le apa ki gui awk cih zandiak in kiza hi. Labutta District sung aom innkuankhat hi a, atate naupang tiltel 6 nusia in, anu le apa aki gui awk uh cimawk hi. Tate mailamding ngaihsutsakbeek leuh cihnop huai mahmah hi. #zomidaily