India pasal khatin gilzang sungpan in siktukilh 639 ki lakkhiat sakthei

India pasal khatin gilzang sungpan in siktukilh 639 ki lakkhiat sakthei

India, Calcutta Medical College & Hospital ah asem Doctors te’n pasal khat ii gilzang sungpan in siktukilh “Nail” akigawm in 639 hepkhiatsak uh cih Times of India pan kiza hi.

Tua agilsung ah siktukilh tampi akimukhiapa pen Gobargdanga khuasung ateeng khat ahihi. Alungsim acidamlo “schizophrenia” natna aveikhat hi a, kum 48 aphakhin khat ahihi. Siktukilh tepen akam panin anomvalhsuk kici hi.

Abeisa kalnih khawngin agil na saden in, khatveivei luatheizel cihi. Tua ahih manin zato kipuak a, Endoscopy tawh agilzangsung aki etsak ciangin agilzangsung ah siktukilh tampitak ki mukhia hi.

Agilzang sungah siktukilh vive tawh kidim ahih manin, agil anagawp hiding hi ci’n Surgery bawlna ah amakai Dr Siddhartha Biswas (associate professor of surgery) in genkhia hi.

More: India ah pasal khat leisek, suang leh leivui bek ne in nungta

Hih siktukilh anepa pen abeisa Friday ni in zato ah hongkipuak hi a, “plasma and-albumin imbalance” hangin Operation pen ki bawlthei pahlo hi.

Agil sungah akimu siktukilh tepen letmat 2 sangin asauzaw vivepian hi a, adawnlam hiamthei mahmah sawnsawn hi. Dr Siddhartha Biswas leh alawmte’n Surgery abawl uhciang in agilzang munkhat 10cm khawng atvang masa uh a, tuapan in sik hup “Magnet” tawh tua siktukilh te kaikhia uhhi.

More: India gamah pasal khatin naupang kum 7 khat thatin asa ne

Surgery akibawlkhit ciangin hoihtak ki encian in, bangmah nawngkaina omlo in damkikding in ki lamen hi. Agilsung panin siktukilh aki hemkhia pen avek in 639 hi a, tuateng ii agihna pen 1.3kg (6.61Ibs) bang pha cih kiza hi. Sawltak #zomidaily