India gamsung aom Railway Station 7000 te ah Solar kizangding

India gamsung aom Railway Station 7000 te ah Solar kizangding

India gampen nitang panin meitha Solar Energy alimzat mahmah gamkhat ahih mahbang in, agamsung aom meileng khawlna Railway Stations 7000 te ah Solar Power zatding in laihding cita uhhi. India kumpi in Suangmeihol (Coal) panin Tax alakteng uhtawh hih Solar Power laihna ah abeisumte piaksakding cih Sputnik pan kiza hi.

Hihpen India gamsung ah Solar Energy zatsemsem nadingin hanciamna hi a, 2017 in 9 gigawatts (GW) panin 2022 kumciangin 100 gigawatts dongah India gam ii Solar Capacity khantoding cihi.

India Finance Minister Arun Jaitley in National Budget Presentation bawlna ah a genkhiatna ah tulaitak Railway Station 300 bangah Solar Power kizangkhin cihi. Hih ageelna bangin Railway Stations 7000 ah kilaihkhin hileh India gambup aom Train Station ii 98% pen Solar Power hidtading ci’n genkhia hi.

Hih gelnate atangtunsak nading in Indian Railway leh Solar Panels alamding Private Companies te’n Power-purchase Agreements thukimna letmat zong thuhding uhhi.

India kumpi in Solar Platforms leh adangdang Renewable Energy Sources te pan meitha ngahtheih nadingin sum atuamin $1.8 Billion neikhin uhhi. Tuate pen Suangmeihol Coal te tungtawh Tax alak te akhol uh ahihi. Tua Tax pen India gamsung aom Coal Mined leh gamdangpan India gamsung ah alut Coal te tungpan Tax akila te akikhol cihi.

India in Solar panbek hilo in adang Renewable Energy Sources pan inzong meitha ngahtheih nading hanciam mahmah uhhi. 2022 kumciang in Renewable Energy Sources panin meitha 75 GW bang ngahtheihding geelna nei uh a, 2030 kum ciangin Carbon Emissions pen 35% bang akiamtheih nadingin hanciam mahmah uh cih kiza hi.

Kawlgam ah makaipinu Aung San Suu Kyi zong India te ii Electric meitha vaihawmzia lunglut mahmah kici a, Kawlgam sungahzong Solar Energy zattheihding honggeelding uh lunggulhhuai mahmah hi. ZD Sawltak #zomidaily