Tuni Sunday ni in India gamsung ah Temple khat meikang ahih manin mi 100 val sikhin cih Reuters leh News tuamtuam pan kizasawn hi. Hih meikat akipatna pen phalna omlopi in Fireworks abawlna panin akipan hi a, meitawh kep akihalziahziah a ending in mi tulval aki kaihkhopna ah meikangsuak in mi tampi in asihlawh ahihi.
Kerala State sung aom Hindu Template khatpan in meikatna apiang hi a, asi te banah aliamzong mi 280 valbang phakhin hi. Times of India te genkhiatna ah meikat kipatna pen Puttingal Temple panin akipan hi a, akat kipat pen tuzing 3:30am hunpawl ci uhhi.
New Delhi paninzong hih meikatna ah zatui zaha bekthamlo Specialist Doctors honkhat paisak uh a, Puttingal Devi Temple pan atuahsia te ki huhpah ziahziah hi. Tuaban ah kumpi te’nzong Navy leh Air Force panin Helicopters tawh ahuh dingin paisak uh a, asi aliam abaai te pukhia uhhi.
Kerala Chief Minister Oommen Chandy in Reporters te tungah agenkhiatna ah mi asi pen 102 phakhin a, aliam pen mi 280 phakhin hi. Tuate pen Hospital tuamtuam ah kipuak in akikhoi laitak ahihi. Tuabek thamlo ahoihthei penpen dingin hanciam in zatui zaha kibawl dinghi ci’n genkhia hi.
Kep meihalna panin akang hi a, ahangsawm kep teng ii 75% bek akangkhinpan cihi. Avek in kangkhin hileh hihsang in asi aliam tawzaw laiding hi ci’n State MP Premachandran in genkhia hi.
India gamsung ah nungdiak mahmah inzong akilamsan leikhat kicim ahih manin mi tampitak in sihlawh liamlawh uhhi. ZD Sawltak #zomidaily
Comment piaknop aomleh...