India ah numeikhat naubu “Uterus” neilo ahih manin, anu in ama naubu pia

India ah numeikhat naubu “Uterus” neilo ahih manin, anu in ama naubu pia

India gamsung ah numeikhat naubu “Uterus” neilo in suak ahih manin, anu in ama naubu pia cih Fox News pan kiza hi. Atanu pen kum 21 aphakhin khat hi a, asuahcil akipan naubu “Uterus” neilo in suakcitciat hi.

Atanu inzong ta aneih theihding deihsak ahih manin anu in ama naubu piakhia “Donate” cihi. Hihbangdan naubu kipia cihpen India gamsung ah omngeilo in, akhatveina “India’s first uterus transplant” ahihi.

Nung abeisa Thursday ni in India, Pune City sungah naubu tuahsakna “Transplant” Surgery kibawl in, akigawm in nai 8 sung ziakai hi.

Pune City sung aom Galaxy Care Hospital ah Surgery akibawl hi a, Doctors bekbek honkhat in semkhawm uhhi. Amakaipi ahihleh tua zato panin Medical Director Dr. Shailesh Puntambekar ahihi.

Tuapa genkhiatna ah naubu “Uterus” akihawh ahi nuta tepen anih un bangmah nawngkaina omlo ci’n genkhia hi.

Hih Surgery Procedure pen hamsa mahmah hi. Banghanghiam cihleh sihui Arteries leh Veins tampitak khatkhitkhat zopkik ciauciau kul ahih manin, ahamsa mahmah Operation khat kicithei hi ci’n makaipipa in genkhia hi.

Atanu pen agilsung ah naubu Uterus kikoih sakkhin cihhangin nau apaaitheih nadingin kumkhatsung ahun lakkul photding hi. Banghanghiam cihleh ki atna te hoihtak in adamsiang sitsetding kisam cihi.

Sweden’s University of Gothenburg ah Professor of OG (Obstetrics and Gynaecology) asem ahi Dr. Mats Brännström in agenkhiatna ah hihbangdan in naubu akituahsak panin naupang 6 bekbek suakkhiapan hi ci’n genkhia hi. Tua naupang 6 lakah 2 pen nu khatsung panin asuak ahihi.

Video etnopleh: India’s first uterus transplant carried out at Pune Hospital

Dr. Mats Brännström inzong Sweden gamsung ah 2014 kumin Uterus Transplant nabawl ngeikhin a, naupang pasalno acidam mahmahkhat suakkhia cihi. Ahi zongin hih naupang asuahkhiatma in adang gamtuamtuam ah Uterus Transplant 11 veibang nabawl in, gualzawhna ngahlo hi.

More: India gamsung ah Gas Tanker khat kehin sangnaupang 200 zato kipuak

Naupang pasalno cidamtak in asuahsak khitciangun Dr. Mats Brännström ii makaih Swedish Team te’n adang naupang 5 tezong amau ii sepsakna mahtawh asuakkhia ahihi. Naubu tuahsak in naupaai taktakding pen ahamsa vevekhat ahih manin, hih India gamsung ah Uterus Transplant akibawl pen bang hongcidiam cih ki lunglut mahmah hi. ZD Sawltak #zomidaily