India ah naupang alu acinglo in suak, zatui bawltheih omlo

India ah naupang alu acinglo in suak, zatui bawltheih omlo

India gamsung ah naupang lamdangkhat suakin Indian Doctors te’nzong acihnading, abawl ziading theizo nawnlo ahih manin, asihhun bek ngakin om cih Daily Mail pan kiza hi. Tua naupang pen Babu ci’n amin kiphuak a, “Encephalocele” kici natna lamdang mahmahkhat tawh suakkhia citciat hi.

Babu pen alu kimlo, naupang ngeina te ii alangbek phamawk hi. Tuabek thamlo, a ngawng anungzang ah cibawk, sabawk lianmahmah khatzong omcitciat hi.

Anu leh apa te ahi Jyotsna leh Jhontu Das te kiangah Doctors te’n na tapa uhpen bangmah lamet omlo hi, ci’n genkhia uh cihi. Hih naupang pen asuahzawh kha 2 bang aphakhin hi a, tudong zato ah akikepkep, aki bawlbawl hangin Indian Doctors te’n acihnading theizo nawnlo uhhi.

Doctors te’n acih nading atheih nawnloh hangin, anu apa te’n Babu pen nungtasuak dinghi, nalamdang “miracle” khat hongpiangding hi ci’n lamen mahmah uhhi.

Ahi zongin zato panin Doctors te’n kizawhngap nawnlomawk uh ahih manin, Babu pen anu apa te’n inn ah ciahpih uhhi. Banghun ciangin anunna abeidiam ci’n aki enen himahleh anu apa te’n anuntakna asawtthei penpending in kakemding uhhi ci’n genkhia uhhi.

Babu ii apa in agenkhiatna ah katapa pen asuah akipan tuni ciangdong damlaisam ahih manin, damsuakding zong hikha theiding hi. Nalamdang “miracle” khatin adamsak nadingin ka ngaklah mahmah uhhi ci’n genkhia hi.

Zato ahzong Doctors te’n akepdanding, abawl danding theituan nawnlo uh ahih manin inn ah ko ii keptheih bangbang in kemding in ka ciahpih tamai uhhi ci’n genbeh hi.

Ka tapa uhpen mibanglo in asuak ahih zenzen hangin hoihtak in kakem uh a, anuntakna sauvei anung tatheithei dingin kakemding uhhi ci uhhi.

Babu anu in apaailai in Ultrasound zong tamveipi kizaih zelzel a, hihbangdan in Encephalocele natna lamdang angahlam kithei khalo hi. Ahi zongin Kolkata aom National Medical College panin Doctors te’n natapa uhpen alu golding a, ahi zongin asuahkhiat khitciang in kibawlthei dinghi ci’n genkhia uhhi.

Ahi zongin asuahkhiat taktak ciangin hihbang in alu cinglo “Flat Head” tawh suakkhia a, anung ahzong cibawk lianmahmah khattawh kithuah citciat hi.

Asuah khitzawh akipan anu apa zong mizawng innkuan khat ahih uhtawh zato khatkhitkhat zuankawikawi in, huhna ngenkawikawi uhhi. Ahi zongin Kolkata khuasung aom zato te’n abawldanding theilo in hiciang atung ahihi.

Bangur Institute of Neuroscience panin Dr Pitboron Chokroborty in agenkhiatna ah hih naupang pen akhuak alu apualam ah om hi ci’n genkhia hi. Hihpen natna lamdang mahmah Anencephaly hangin hihbang in apiang cihi.

Hihbangdan natna pen alamdang leh aom pakpak hetlo natna namkhat hi a, hih naupang ii anuntakna hotkhiattheih nadingin septheih bangmah omlo cihi. Operation bawlding himahlehzong aki atkhiat khitlim in sipah zawding cihi.

Related: Naupangno kum 3 aphapan khat sikzawl kawmah alu bektawh kikhai lenglang

Zato ah siavuan te’n hong kepsaknung ci himahleh anu apa te’n innmah ah ciahpih in kakemnuam uh ci ahih manin, inn ah aki ciahpihsak cih kiza hi. Sawltak #zomidaily