Hunthak ah’ Thu Khinkhai siamna in, Minam noptuam na!

Hunthak ah’ Thu Khinkhai siamna in, Minam noptuam na!

* Minam khat peuhpeuh sung ah Buaina leh Lungkhamna ithuak ciang in Minam hoihna, A manphatna, Athupit na leh Pasian hoihna ki phawk semsem hi.

* A kiciangtan theilo, Avallua , Atawm, Atam kiteh hilo itna akihawm khiat ciang in Asang siam te leh Azangsiam te in hamphat lawh hi.

* Ahun zui a, kipuah thei leh avaangkiim in Uham khangmoi te tawh kikhawl theih na pan in ngaihsutna ahoih athak alak siam te khangto hi.

* Innkuan sungah acitak velvel Nu leh Pa, tate bekmah Minam leh Gam ading in acitak mahmah hi pan ahih man in Gam leh Minam makai ding akithawi khia mite mipi’n amuan taakcing mah hiam cih apilna sang in a cihtakna kikan zaw ta hi.

*Mihing vanzat ding; na hoih khat peuhpeuh ibawl khiat masiahsiah Zomi ading in Tanglai khuasat cil hun a, Siksek siampa leh Naangphaan siam pa akiban nailo pilna hi a, Zopuan pianna patkol bawlthei siampa ciim zaw ahihi.

* Hinsawt Khansau nuam in, cidam nading Mihau natna nei mite in sumtam beina zoto hoih azuan te sang in Zoto omlo, zatui omlo hun ahi’ tanglai Zomi te cidam in khansau zaw uh hi. Khangthak te tung ah hih Pilna leh Ciimna adem zo kihilh lohna in tanglai Zomi te pilna leh ciimna kiban nailo ahihi.

* Gamdang ah ipai pen Zom ading in apil atei aciim te ahih hang in Namdang gam ah sila nasem kisuak a, thangpaih lak in Zomi te in amau te ih nasem suahsak theih kik hun ding anei ngaihsut hoihna in mipicing te ahihi.

* Tulai tak zomi ading ihgel leh ihgiim na abulpi ah abucing khantohna kici ahih leh asiatna lam zong akihel kha hiam? cih ngaihsut kopna in avaang kiim ciimna pan khantohna piang khia sak hi.

* Lungduai na pen Pasian deihna ahih zenzen hang in aguallel kinken ding in Namdang te lak ah kiniam khiat luatna in minam khantohna daal thei ahih man in Hangsan leh Giitloh hun atun teh meidawii luatna in khantohna maikhak thei hi.

* Hangsan na, Meidawiina’ zatsiam nading in ahun amun zui khentel theihna ding, Pasian in Khuak leh Lungtang akhon khawng in hong pia khia ahih man in zattheih siamna akisap hun om thei zelzel ding ahihi.

Hau Thang