Hu-ginna khiam thuhilhna khan ~ Evan. Suangh Dal

Hu-ginna khiam thuhilhna khan ~ Evan. Suangh Dal

“Thuhilhna (preaching) pen Pawlpi kikepna hi. Pasian’ kammal thuhilhna tawh kikem lo hi leh Pawlpi pen tukin kisia ding hi.” Pawlpi kep cih khawng pen ei siamna le hauhna, pil i kisakna degree te le phukhia zo ngahkhia zo i kisakna Tuucing zaa (ordination) khawng, thagum leh uk gawp zawh sawm thu khawng, beh pai, khua pai, bawng pai gawp khawng tawh kep nam hi lo hi. Mite lungkimsak zo ding tua hileh kip cih lam khawng zong hi lozaw hi.

Pawlpi cidamna, kha lam khantohna, pawlpi Pasian deih banga kipna khona i cih pen Pasian’ kammal cihtakna tak tawh a kihilhna tungah kinga hizaw hi.

Pasian kammal Lungdamnathu hoih tak hilh lehang tua in pawlpi mite lungsim a na ukuk, a na kemkem, a na puahpuah, a na khelkhel, Pasian’ thu a na mang saksak ahi hi. Tua ahih manin Pasian kammal Lungdamnathu hilh hun ding, gen hun ding, a kizak mun ding vaihawmpi-a pawlpi in a neih kul pen hi. Thuhilhna lam khan-a hu-ginna, gin ngaih kidemna lam khiap hizaw hi.

Thuhilhna khan cih ciangin thuhilh Sya dingte zong thuhilh citak thuhilh siam a qualify kisam cihna khawng, thuhilhna khan cih ciangin thu hilh khat nai 1 nai 2 hilh sak gawp cih lam hipah lo zawin, Syate bek mah hilh sak, kaal khat sungah Bible study khawng, online thuhilhna khawng vaihawm beh zo cih lam khawng hizaw hi.

Pawlpi zingvai hawmna (activities) te ah thuhilhna percentage a kiamsak ding programe tuamtuam i cih pipite in Pawlpi pen lam maan ah khang sak loin lamkhial tawnin pung sak zaw hi. Thuhilhna (preaching percentage) a kiamsak hu-ginnate i khiap zawk ding na hi gige hi. Heihai mahmah. Hu-ginna khiam, Thuhilhna khan, Evan. Suangh Dal