HIV hik tungtawnin AIDS a ki-ngah hilo ~ Pau Tun Thang

HIV hik tungtawnin AIDS a ki-ngah hilo ~ Pau Tun Thang

HIV pen tu dinmunah natna hik a ki lipkap pen ahi hi. Hih HIV hik pen AIDS natna a piangsak ahi hi. HIV/AIDS vei ten natna dang veite banglo-in kuaman genkhia nuamlo hi. Mikim theih dan taangpi ah HIV pen West Africa gama Chimpanzee namkhat mihing ten ngah hi. Kum 1959 kumin Kinshasa, Congo gamah mihing sisan testna pan hih natna kimukhia hi. Mi khatin HIV hik a vei ciangin a taksa natna hik a do te thazaw ahihmanin natna dang khat peuh peuh zong ngah baih diak hi. HIV a kimuh khiat a kipan tudong mah in cidamna lama sem ten sum tampi bei-in awareness bawl uh hi. Tu ciang ciang a damsakna zatui om nailo hi.

Tu nai in India doctor khat in research a bawlna ah HIV hik-in AIDS natna piangsak theilo cih mukhia hi. Hih doctor pa min pen Dr. Biswaroop Roy Chowdhury ahi hi. Amah pen medical nutritionist hi-in leitung gam 10 bangah consultancies leh clinics nei hi. A diak in zunkhum(diabetes) lam siam ahihmanin BBC, CNN leh The New York Times ten interview ngei uh hi. Laibu zong gelh in a laibu gelh te pau nam tampi tawh kiteisawn hi.

HIV-AIDS tawh kisai a research paper on “HIV-AIDS, is not a Viral Disease; It is a Metabolic Syndrome” cih Journal of Metabolic Syndrome ah suah hi. News tuam tuam ah zong suaksak a, youtube video zong et theih in om hi. “HIV-AIDS: The Greatest Lie of 21st Century?” ci-in a laibu in gelh hi. HIV-AIDS tawh kisai a muhkhiat thute a tom in:

1. HIV in AIDS natna piangsak thei lo a, Sex leh sisan kipiakna tungtawn in zong HIV mihing taksa-ah lut thei lo hi.

2. HIV mukhia te laka Nobel Prize nangawn a ngah Luc Antoine Montagnier in HIV mihing ah a om lam khatvei zong gen ngeilo hi. Tuma kum 30 panin HIV mihingah om cih prove theihna na research om nailo hi.

3. Tua ahihleh, bang hanga doctor ten HIV hik endik pong mawk uh hiam? HIV-1 leh HIV-2 diagnostic kit zang uh a, tua pen HIV antibody diagnostic kit hi zaw hi. Antibody pen taksa in natna khat peuh a thuak cianga ama thu a protein hong om genna hi.

4. PCR test pen leitung mun tuam tuamah HIV test nanga ki zang pipen hi. A bawlkhia Kary Mullis hi-in Nobel prize zong ngah hi. Ama bawlkhiat PCR in HIV mu theilo hi. A tak tak in cileng, HERV(Human Endogenous Retro Virus) tua pen ama’ thu-a taka pana piang mukhia thei bek hi. Hih natna TB, Awmna, Sungpai, cancer veite leh naupai ten HERV nei uh hi. Hihbang hun sunga PCR test a bawl ciangun HERV mukhiat awlsam hi. Tua HERV pen HIV positive dan ciamteh kha uh hi. A tak takin a natna panun a dam uh ciangin HERV zong mangkik lel hi.

5. Diklo taka mikhat tung pan HIV + a kimuhkhiat ciangin AIDS zatui tawh kikhawi suak hi. Tua zatui ten AIDS a veisak hi zaw hi.

6. AIDS pen Acquired Immunodeficiency Syndrome kici a natna thak hi lo hi. Natna nautaang nam 29 te hong kilat khiatna ahi hi.

7. HIV AIDS pen medical science ah scam lian pen leh leitunga summeet bawlna hoih pen hi. Sum ki dong leh a ki piakhia khempeuh hih thudiklo a tangko ten noptuam pih zo uh hi.

Video: HIV a Human immunodeficiency virus cannot cause AIDS. HIV cannot enter your body through sexual contact, blood transfusion or by any other means. A must watch video to shatter all ill-conceived beliefs, to expose all in-humanitarian acts and to make nation free of the economic and social burden of HIV/AIDS

https://www.youtube.com/watch?v=EKhL36Qo0Ds

Hih laibu April ni 8,2018 nai 11:00 Am in Hindi Bhawan Auditorium, Lohia Nagar,Ghaziabad ah ki release hi. Dr. Biswaroop Roy Chowdhury in Food & Drugs Administration (FDA, India) leh Indian Medical Association (IMA) te kiangah HIV vei khat hong tawnpih unla,a sisan ka sisan ah thun ngam ingh ci-in tona bawl khawl hi. Laibu honna programme ah mi 700 kiim kihel thei hi. Tua bek thamlo in mi 7000 valin facebook live pan en uh hi. Ahizongin FDA leh IMA ten kuamah pai lo uh hi. HIV-AIDS lama sem NGO ten Dr. Biswaroop Roy Chowdhury tup leh ngiim pen dankalh ci-in Indian Penal Code 1860 section 269 leh 270 pansan in legal notice pia uh hi.

More: AIDS leh Red Ribbon ~ Pau Tun Thang

India gamah mi 300 sisan test pan mi 1 ta HIV-AIDS vei danin kimukhia hi. Hih HIV-AIDS veite a nuntak sung tawntung zatang ne dingin kihilh hi. Dr. Biswaroop Roy Chowdhury in India gam mipi tam mah mah ten HIV hik mihingah a om theihloh lam theisak nuam hi. A laibu leitunga publishing group lian pawl Scholars Press ten publish sak uh hi. Bukhat Rs.90 man hi, ebook free version zong http://biswaroop.com/HIV ah download theih in om hi. Amah tawh na kizop nop leh a whatsapp number +91 93122 86540 leh [email protected] ah hopih theih hi. Pau Tun Thang