Hih leitung mah ahzong ~ Evan. Suangh Dal

Hih leitung mah ahzong ~ Evan. Suangh Dal

Tulaitak-a a leitung nuntakna uh a et uh ciangin lungnopna le lam-et ding mahmah om lo ahih lamtak a kimuh uh ciangin mihingte a lungkia mahmah thei zel uh-a, i Pasian’ thu i cihcih zong ci-in phunsan thei uh hi. Ahi zongin na nuntak gamtat zia uh leh leitung Nate thupi sak lua-in Lai Siangtho tawh kituak lo na hih man uh hi cih bangin kihilh kigen leh lah leitung mah ah zong ki-om lai ahih manin vantunggam cih khawng a om lopi hi, mihingte lungnop nading-a kikhemkhemna hi, hih leitung ah om lai ihih manin tulaitak-a i nuntakna le leitung nate pelh sawmna pen mawhna khat hi, leitung mah ah zong a ki-om lai hiven ci puatpuat kik kawikawi uh hi.

Muh theih leitung Nate bel a mawkna taktak hi, ci napi uh LST in na pumpi deihna uh na kinial un a cihcih tua aive ci-in va kup pih lehang, leitung mah ah lah ki-om lai zel aih ciang-a, “hih leitung mah zong” ci puatpuat kik uhi.

Leitung mah ah zong kinungta lai ahih man-a leitung Nate le pumpi deihna kinial ding a ci hi vehang, leitung i khen khitteh pumpi deihna kinial kul nawn lo ding hi ven ci lehang, na sihteh a si hita, bangmah kiphawk nawn lo ci kawikawi zel uh hi. Vantunggam cih khawng kikhem khemna hi, hih leitungah tawmvei na nuntak sung a nop theithei-a na om ding a thupi pen hi ci puatpuat leuleu uh hi.

Pumpi deihna cihteh i kha ading a hoih lote cihna hi:

1. Gentehna leitung nate ahi Facebook pan thu gina loteng etetna tawh hun bei sak, sum bei sak, lungsim sia sak, mit sia sak, cih banga na pumpi deihna zuih luatnate kinial ding a ci ihi hi.

2. Thumaan gen leh sazang kap. မှန်ကန်ရင်ကွဲတတ်သည်။ Tua ahih manin leitung mah ah zong ki-om lai ahih manin zuau tawmtawm mah i phuah theih zek ding kisam cihte pawl pen pumpi deihna hi-a ih kinial tawntung ding a kul ahi hi.

3. Zu huan khawng kham ding hilo, Zu kihuanna khua ah om-a Zu dawn lote a hoih taktak cihna hizaw hi, peuh ci mawkmawk uh hi. Tua bang ding hi loin leitung mah ah zong ki-om lai ahih manin i gamtat ziate kinial ding hizaw hi.

4. Pawlpi sungah taang le tahum a omlai hi-in kuamah kisitsit kul lo. Vankham sem nawn kei un, sumpi siangtho lo Pasian in deih lo hi cih khawng gen kul se lo, leitung mah ah zong ki-om lai ahih manin cih banga leitung vaite iplahna, leitung thute ah nopsakna le tua banga i pumpi nopsak nading bek en-a hih leitung mah ah zong ki-om lai ahih manin i cih puatpuatna thute pan a thakin kinial dih ni. Hih leitung mah ah zong ki-om lai ahih manin ci puatpuat. Evan. Suangh Dal