Italy gamsung aom Highway lei golpikhat kicim in mi tampi si

Italy gamsung aom Highway lei golpikhat kicim in mi tampi si

Italy gamsung ah mawtaw paina lamzikpi in aki limzat mahmah lei (Bridge) khat kicim ahih manin mi tampi si cih Agencies News pan kiza hi. Tua lei pen Northern Italian port city khat ahi Genoa City sung aom hi a, tuni Tuesday (Aug 14) ni in akicim ahihi.

Italian News Agency Adnkronos te ii pulakna ah hih Motorway Bridge kicipna hangin mi tampi in sihlawh hi ci’n Local Ambulance Service makaipi te’n genkhia uh cihi.

Meiphelh lamsang makai ahi Local Fire Brigade khatin agenkhiatna ah zingsanglam 11:30am hunpawl in guah tamlua mahmah in, tuakhitzawh ciangin tua lei pen kicimsum in mi tampi adenglum hiding hi ci’n genkhia hi.

Local Police te genna ah tua lei kicipna hangin asi pen atawmpenpen mi 10 phading ci uh a, lei kicipna ah mawtaw bekbekzong 20 valbang kihelding ci uhhi.

Ambulance Official te’n Reuters te tungah agenkhiatna ah aliampen tamkhollo in, ahi zongin kamsiatna tawh asi tammahmah hi ci’n genkhia uhhi.

Tua akicim lei pen luitung ah akidawh hi a, anuai ah meileng lampi leh Building inn pawlkhatzong aom ahihi. Tua lei pen Italian Riviera leh France’s Southern Coast akizopna lamzikpi Highway tungah aom khatzong hi a, nisim in mawtaw tampitak in anawkdet khat ahihi.

Genoa City huamsung atai meileng “Train Services” tezong lei akicip ciangin avekin kikhawlsak pahhi.

Lei akiciplian laitak in amukha Witness khat in Sky Italia Television te tungah agenkhiatna ah lei akiciplian laitak in lei tungah mawtaw 8 hiam, 9 hiam omding hi. Lei akicip ciangin avekin kiasukkhawm a, mulkimhuai mahmah cihi.

Video: A motorway bridge collapsed on Tuesday (Aug 14) over the northern Italian port city of Genoa in what the transport minister said was likely to be “an immense tragedy”. The head of the local ambulance service said there were “dozens of dead”, Italian news agency Adnkronos reported.

Tuaban ah Car leh Truck honkhatzong lei akicip ciangin athemnen kawmlak leh Building innkisia kawmlak ah awkcip uhhi.

Transport Minister Danilo Toninelli inzong hih lei kicim pen tuahsiatna lianpi “Tragedy” khat hi ci’n Twitter tungah gelhkhia hi. Police leh Fire Service makaipi ahi Interior Minister Matteo Salvini inzong hih tuahsiatna vai ah bangciciang tungta cihpen ahunbit in ki encikden hi ci’n genkhia hi.

Emergency Services te’nzong Firefighter teleh Rescue Team tetawh kisemkhawm in, Police te neihsa uipil “Sniffer Dogs” tetawhzong ninthemkawm lakah aomkha, a awkkha te kizong kawikawi hi ci’n genkhia uhhi.

More: Italy khuasung ah datsi pua mawtawkhat puakkham, mi 2 si, 60 val liam

Tua akicim lei pen 1960s kumin akilam hi a, 2016 kum inzong khatvei aki puahphakik ahihi. Highway Operator te genkhiatna ah hih lei akicip laitak inzong akhuam te aki puahsan laitak hi a, abeisa inzong ahunhun in aki encikden, aki puahden ahihi ci’n genkhia uhhi. Sawltak #zomidaily