Hi thei veh aw ~ Tdkhen

Hi thei veh aw ~ Tdkhen

1. Gam kuampi khat a kangtum sak zong, meigit tang khat bek hithei veh aw!

2. Accident lianpipi a piang sak zong, mi khat bek hithei veh aw!

3. Khangnote’ siat theihna zong, khatvei ciapna bek pan hithei veh aw!

4. Kumpi gam khat kisiat nading zong, khuak khat bek mah hithei veh aw!

5. Veeng leh paam tawh kisiat nading zong, akno khat hang bek hithei veh aw!

6. Nupa kal kilemloh nading zong, kammal khat kilotlotna pan hithei veh aw!

7. Innkuan nuam kim lai zong, khatvei phunna bek in kisia sak hithei veh aw!

8. Gam khat, nam khat minsiat nading zong, mimal khat hang bek hithei veh aw!

9. Melhoih minthang mithupi khat kineumuh ziau nading zong, khatvei veihteh hang bek hithei veh aw!

10.Tui tunga i lim etlai, ninthem kia khat in hong kilamdan sak mah bangin, lungnopna lipi zong, kammalno khat in kilamdang sak hithei veh aw!

11.Mi khat peuhpeuh tha na piaknopleh, na maisuah bek tawh zong hithei veh aw!

12.Khangkhat sung innkuan zawngkhal khat a phongto dingin khangthak mo khat hithei veh aw!

13.”Hilo ee” ka cih sangin, “Himah ee” ka cihna pen ka nisim thahatna hithei veh aw!

14.Gam leh nam a lamto nuam mikhat bek in zong, gam nei(To)pa tawh kithutuak peuhleh hithei veh aw!

15.Nu leh pate in hong lamto-in, tutmun hoih-ah i tutkhit takteh, nu leh pa i uk(control)kik nopleh, i thuphate a khaktan ki hithei veh aw!(Nute pate pen i thupha naak ahih manin, amau i gakcipleh, i thupha gong a hencip i suak ding hi. Mipilte in nu leh pa’ mai-ah, zi leh ta a neikhin uh zongin, ta-lungsim mah a pua den uh hi. Thupha i cih pen sum leh paai hilo-in, tuate pen thupha gah hibek a, thupha taktak pen cidamna, daupaina, maipha cihte ahi hi). Tdkhen