Hello Tedim (5) ~ Hau Za Cin

Hello Tedim (5) ~ Hau Za Cin

Zogam ah lo kihal zihziah in meikhu zam in huihlak teng zeel ahih manin tung sunni nangawn dawk zolo in san ciciai a, lungzuan huai zawzen hi, ciin inn lam pan hong kigen hi. Lo hal bek hilo in gam kang zong om zeuhzeuh ahih manin singkung lopa in thuak mahmah a, nuntakna nei gamsa leh vasa, miksi thovaite in lel mahmah uh hihtuak hi. Zogam a zuun dingin kua kuan ding i hia leh?

Zosuan Tuailai Khawmpi hong tung ding hita a, a khoppi siim dingte zong kithawithawita uh hi. Nang zong tuipi gal pan khua lam ciah dingin na gelna a om leh hih hun tawh kituak dingin na ngim in 🙂 Topa in hun nuam hunpha sungah Zomi te hong kikhawmsak in Amah phatkhawmna hun nuam hong zangsakta hen.

Lungdamna Thu:

• 1. Leitung gam tuamtuam pan Zosuan Tuailai Khawmpi adingin sum hong khakte tungah lungdam.
• 2. Khawmpi sunga sun ann hong vak dingte tungah lungdam.
• 3. Khawmpi sungah Niangtui khatvei hawpna dinga sum hong khak vangvangte tungah lungdam.
• 4. Khawmpi sungah mipi ankuang hong umpih dinga Sialtal hong piate innkuan tungah lungdam.
• 5. Thu leh la hong saipih, vai hong hawmpih khempeuh tungah lungdam.
• 6. Thungetna leh thapiakna tawh hong tawsawn khempeuh, hong dinpih khempeuh tungah lungdam.
• 7. Mimal a gen khit theih pak loh thu tuamtuam tawh hong dinpihte tungah lungdam.

Tuate khempeuh tungah Zomi te minam a hong bawl Pasian tungah lungdamna khempeuh i puak hi. Zogam leh Zomi in nang hong ngak hi. Lungdam, Hau Za Cin