London Heathrow Airport sungah mawtaw 2 kiphukha, mi 1 si, 1 liam, vanleng 25 ziakaicip

London Heathrow Airport sungah mawtaw 2 kiphukha, mi 1 si, 1 liam, vanleng 25 ziakaicip

London khuapisung aom Heathrow Airport vanlengtual sungah mawtaw 2 kitaihkha ahih manin mi 1 si cih AFP pan kiza hi. Tuni Wednesday (Feb 14) ni in thupiang hi a, adangzong mikhat liam hi ci’n Police te’n genkhia uhhi.

Aliam penzong pasal hi a, aliang kitan in, ahi zongin sihlawh liangzahdong dingin huaisia samlo, life-threatening hisamlo hi ci’n Metropolitan Police te’n Statement ah pulakkhia uhhi.

Asipa pen kum 40 gualpawl hi a, nakliamlua mahmah ahih manin West London Hospital ah kipuak himahleh aliamma tawh si cihi.

Heathrow Airport panin thunei ahi Spokeswoman khatin agenna ah hih vanlengtual sungah tuahsiatna aom ciangin vanleng tungah atuangsa Passenger pawlkhat ki tuaksakkik cihi.

Daily Mail te pulakna ah hih tuahsiatna apianna munpen Heathrow Airport sung, Terminal Five geinai ah hi a, zingsanglam 6am hunpawl in vanlengtual sungah akizang Operational Vehicles te aki phukha cihi. Airport sungah buaina apian ciangin Paramedics leh Metropolitan Police Officers te ki zasakpah hi.

Hih Heathrow Airport sungah buaina hangin vanleng akigawm in 25 Flights bang alenkhiat hundingin lengkhiathei nawnlo in, nai 2 sungtekbang ziakai “flight delay” piangsak hi. Tuaban ah Terminal honkhatzong kizangtheilo in ki khawlcipsak hi ci’n British Airways te’nzong genkhia uhhi.

More: London khuasung meileng tungah a puakkham om, migilo te gamtatna ci

Police Spokesman khatin agenna ah zingsanglam 6:06am hunpawl in Heathrow Airport sungah mawtaw 2 kiphukha ci’n hongki zasak hi. Tuaciang in Officers pawlkhat London Ambulance Service tetawh kithuah in kuankhiapah uhhi.

Bangci bangin hih mawtaw 2 te ki phukha hiam cihpen Police te’n hoihtak akanciansan laitak cihi. Sawltak #zomidaily