Hanthotna: ZIUSA Genvai Sumpi Dipkikna puakciat ni
Dear …
US gam sung a om, ZIUSA Genvai a pangkhawm,
Zomi Laizom U leh Nau, Nu leh Pa, Lawm leh Gualte aw;
Zomi Innkuan USA kipawlna, Executive Committee pawlin zahtakna tawh hong muakin hong hopih ungh. Akua mahpeuh cidam lungnuam takin zing vai nitak vaite ahawm zo dingin hong lam-en ungh. ZIUSA-EC panmunlen tengzong cidam ma ka pang thei uhhi.
US gam sung a om Zomi khatpeuh in sihna atuah leh ih kihuaina ding, kiphakna ding, luang ih kiphamna dingin ZIUSA kipawlna in ih vaihawm, ZIUSA Genvai ah pangkhawmciat ihhih manin lungdam huai, lungkim huai, lungmuan huai mahmah hi. Hici bangin vai ih dinkhop manin, ih Zongeina hoih mahmah ki-it kikhualna khat 
akemcing ihhi hi. Anungta Pasian inzong ih ki-it kikhualna hong thukimpih in thupha hong pia ahih manin, tuni ciang picing takin a kalsuan thei ihhi hi. ZIUSA Genvai a pangkhawm akua mahpeuh tung ah lungdamna hong kopha hi ungh.
Tu laitak in, ih Genvai Sumpi ih dipkik laitak ahi hi. Lam-et lohpi in, Genvai ah ih pankhoppih, ih laizom sanggamte ahi, Pa Lian Za Pau (Thang Za Dal) leh Pu Ngin Za Langh in zandiak in hong nusia uh a, amaute itna tawh luang ih pham hi. ZIUSA Genvai Sumpi pan a kizeekkhia luang phamna/ kivuina sumte pen kha khat sungin ih dipkik ding kisam hi.
Tua ahih manin, laizom u leh nau, nu leh pa, lawm leh gualte aw, a hun lap-in Genvai Sumpi ih dipkik zawhna ding hanciam ni. A nuai ah sum kaihkhop dante hong suaksakkik ingh. Sum leh paai kaihkhopna pen a kiciangtan ni nunung ni lap-in ih puak zawhna dingin hanciam ni.
· | Kipawlna Min | : | Jacksonville Zomi Innkuan |
· | Sih Ni | : | Oct. 15, 2014 |
· | Genvai Kivuina Sumtang | : | $5,000 (Dollar Tul Nga) |
· | Genvai Sum Dipkikna | ||
· | Mi Malkhat (Single) | : | $5.00 |
· | Nupa Kopkhat (Couple) | : | $8.00 |
· | Ta Nih (leh anuaisiah anei) Innkuan | : | $8.00 |
· | Ta Thum (leh atungsiah anei) Innkuan | : | $10.00 |
· | Genvai Sum Dipkikna Ni Nunung Ni | : | Nov. 14, 2014 (Friday) |
· | Theih ding: Genvai Sum Dipkikna pen ZIUSA Genvai Tanupawl tung ah a Ni Nunung ni lap-in puak ding ahi hi. | ||
· | Kipawlna Min | : | Zomi Innkuan New York |
· | Sih Ni | : | Oct. 31, 2014 |
· | Genvai Kivuina Sumtang | : | $10,000 (Dollar Tul Sawm) |
· | Genvai Sum Dipkikna | ||
· | Mi Malkhat (Single) | : | $10.00 |
· | Nupa Kopkhat (Couple) | : | $15.00 |
· | Ta Nih (leh anuaisiah anei) Innkuan | : | $15.00 |
· | Ta Thum (leh atungsiah anei) Innkuan | : | $20.00 |
· | Genvai Sum Dipkikna Ni Nunung Ni | : | Nov. 30, 2014 (Sunday) |
· | Theih ding: Genvai Sum Dipkikna pen ZIUSA Genvai Tanupawl tung ah a Ni Nunung ni lap-in puak ding ahi hi. | ||
Genvai Sumte puakna ding
Genvcai Sumte anuai a Makai/Tanute tung kipuak thei ding hi.
1. Omna khua a Zomi Innkuan kipawlna pan Genvai Tanute
2. ZIUSA Genvai Tanupi: Pa Tual Sawm Lian (Bawi Lian)
2529 E. 88th St. #612, Tulsa, OK 74137.
Cell. 716-228-5071. [email protected]
Theih ding: Tu laitak in Genvai Pawlmi athak kisanglo hi. January 2015 ciangin kisang ding hi.
Hici bangin Genvai Sumpi kaikhawm in, atuahsia khatpeuh a om ciang, ih phakna, luang ih kiphamna pen leitung ah ih nuntak sungin nahoih, thupha lianpen abawl ihhi gige hi. Banglo khatpeuh ka tuahkhak leh cih ngaihsutna tawh Genvai Sumpi akhia hilo zaw a, atuahsia ih laizom sanggamte ih phakna, ih gaalna, ih kihuaina, ih kivuina in ih sansiam ding hong hanthawn nuam ungh.
US gam sung ah Zomi mimal kitam semsem a, tuahsiatna zong ih tuak giahgiahmai hi. Leitung ngaihsutna lam panin a lungneu huai ahih hangin, upna anei, anungta Pasian abia ei Zomi-te a’dingin, ama geelna bangin na apiang ahih manin, tua in hong thahatsakik a, hong hehnem zo hi. Kipawlna khawm a ih tuahkhak tuahsiatnate ih puakkhop thei ding kisam hi. Pasian in ih ki-itna ih kihuainate anamtui in hong sansak hi cih phawk ni.
A beisa hun a hong nusia, ih laizom sanggamte zong, hici bangmah in a huai zo hile’ng, a kilawm mahmah ding ahi hi. Tuahsiatna ahih hangin ih tuahkhak thute ih phawk dingzong kilawm ahih manin, hih Email tawh ih tuahsiatnate hong khaksawn ungh.
Mailam hun ah, anungta Pasian in a tuahsialo dingin hong kem henla, khat leh khat ki-it kikhual in, ma apangkhawm thei dingin hong siam tahen.
Executive Committee
Zomi Innkuan USA
Tang’in;
GSKhup
President
Tulsa, OK
November 7, 2014
Comment piaknop aomleh...