Hansanna (sih ngamna sangin nuntak ngamna thupizaw)

Hansanna (sih ngamna sangin nuntak ngamna thupizaw)

Hansanna namtuamtuam om hi. Singtung sangah kahtoh ngamna. Zan khuamial lak ah lau se lo in pai ngamna. Pau theihlohna mi lak khawngah va kihel ngamna. Tungsiah nuaisiah tawh kizopna ah a hi bangbang in genngam sepngamna cih bang a hizongin hansanna tampi om hi.

Tua bangteng lakpan in mi pawlkhat te in sihngamna pen hansanna taktak in ngaihsun uh hi. Sih ngamna zong pawlpi a’ ding, i upna hangin, gam a’ ding leh minam a’ ding sih ngamna cih bangin om toto lai hi.

Tuabang hansanna lak pan in ei leh ei kisih bawlna (suicide) pen hansanna taktak in a ngaihsun mi ki om kha thei hi. Tua pen manlo zaw hi. Sih ngamna (committing suicide) sangin nuntak ngamna pen hansanna taktak hi zaw aa zongh thupi zaw lai hi.

A si ngam, aa a kisih bawl i cih te pen hansanna, nuntak ngamna a neinawn lo teng a hihi. Sih khit ciangin sepding bawl ding om nawn lo a hihmanin a tawlnga hi ziau hi. Nuntak ngamna nei leh nuntak sung buppi a suk a to, nguahzu ni sa, dahna nopna kantan kul lai hi.

Tua teng tawh kimuh ngamnap nawn lo a hih man in a ki si sak hi aa, hansan a a nei nawn lo hi zaw hi. A nungta ngamlai teng pen bangbang ka tuak zong, haksatna tuamtuam ka tuak zong kamai nawt ding hi a ci teng a hihi. Tua te pen hansanna a nei taktak te a hihi.

Sanggam aw, sih ngamna sang in na nuntak ngamna thupi zaw hi. Hansanna taktak hi zaw hi. Nungtak ngamna mah kiplet in. Topa’n hong ngualzawh pi ding hi. Hat in la Hang in. Na haksatna tumpai in. Siamsin Library