H1N1 natgual tawh Kawlgam ah asi kibehlap in mi 25 phatota

H1N1 natgual tawh Kawlgam ah asi kibehlap in mi 25 phatota

Kawlgam ah H1N1 (Swine Flu) natgual hangin Tuesday ni ciangciang asi mi 25 phatota cih Xinhua News tungtawn in kiza hi. Abeisa ninih sungin H1N1 Case tawh asi kibehlap ahih manin, asi vekpi akigawm in mi 25 phatota cih Ministry of Health and Sports te’nzong genkhia uh cihi.

Abeisa July 21 ni akipan Kawlgambup ah H1N1 Flu natgual angah bekbek akigawm in cina mi 242 phakhinta hi. Tua H1N1 Flu natgual angahkha cina tepen akibawl nadingin aki ciangtanngiat Specialist Hospitals te ah kikem, kikhoi cih kiza hi. Sawltak #zomidaily

Kawlgam ah H1N1 Flu natgual tawh asi kibehlap toto in mi 19 phatota

Kawlgam ah H1N1 Flu Virus tawh Wednesday ni in naupang 2 sihbeh leuleu hi. Tua ahih manin H1N1 Flu Outbreak natgual omhi ci’n akigenzawh July 21 ni akipan hih natgualtawh asi pen mi 19 phatota hi ci’n Myanmar Ministry of Health and Sports te’n genkhia uhhi.

Wednesday ni in asi naupang nihte lakah khatpen Irrawaddy Region pan hi a, adang khatpen Magwe Region panhi ci’n Naypyidaw aom Public Health Department te’n genkhia uhhi.

H1N1 Virus ahih keileh Swine Flu ci’n akithei hih natgual hangin Kawlgam ah July 21 leh August 9 kikal in natgual akilawh akigawm in mi 183 phakhinta hi ci’n Health Ministry in genkhia hi.

Tua H1N1 Virus akilawhkha mi 183 te lakah cina 63 tepen tudongmah zatui zaha tawh kikemkemlai uh a, adangte bel noptuamta cihi. Zatui zaha tawh akikemlai cina 63 te lakah cina 11 pen Yangon, Waibagi Hospital ah akikem hi a, adang mi 52 tepen Kawlgamsung States leh Regions tuamtuam aom Hospital tetawh kikem cihi.

Health Ministry te’n nisim in Daily Statement akhahkhiatna tungtawn in hih H1N1 Virus angah, akilawh pen tamto semsemkhading kici hi.

Kawlgamsung aom Local Businessmen, Companies tuamtuam pan ahi zongin, UN Agencies leh International Organizations te ahi zongin hih H1N1 Virus kidaltheih nadingin sumtang, zatui, zaha, leh vanzat kisam “Cash, Medicine, Medical Equipment, Masks) cihte huhna tampi piakhia uhhi ci’n Ministry te’n pulak uhhi.

More: H1N1 Virus tawh Yangon Hospital pan mi 2 sikhin, Chin State ahzong cina tampi om

Turkey gam paninzong H1N1 Virus kidalnading zatui “Flu Vaccines” hong piading uh ci a, China paninzong zatui leh vanzat “antiviral medication Oseltamivir, flu vaccines, medical equipment including respirators” cihte hong piading uh cihi. Sawltak #zomidaily