Gupna le Upna (Kitan thei maw kitan theilo) ~ Zam Thuam

Gupna le Upna (Kitan thei maw kitan theilo) ~ Zam Thuam

Mihing te pen ii up bangbang in a kigamta ahi hi. Gamtatna i cih pen lungsim sawlna pan hong pai hi a lungsim sungah upna a om bang in sepkhiatna hong pai hi lel hi. Tua pen Pasian thu sese hi nailo hi.

Kimlepam kep kei leng leitung lum semsem in siatna tam semsem in kisia ding hi cih a um khat in singno suan, nin mawk paihlo, meikhu a tawm pen ding hanciam cih bangin a upna tungtawn in gamta in a thute zui hi.

Gupna thu ah bel “Um limlim leng kigum” hi phot. A up nak leh gup na pen kip hi ci kingkeng ing ei. Aih hang gamtatna khempeuh pen upna in tawsawn ngiat leuleu hi ei.

An ne kei leng gilkial ding cih thei naihcia an ne hi pah. Ne kei leng gil kial ding cih um naihcia sepna ahi an nek pen semkhia….

Hanciamna gamtatna hang a gupna kingah hilo in upna hang in gupna a kingah ahih manin upna tawh na nuntakna tawsawn in gamtat ding hanciam ding hi leuleu hi.

Gupna ngah nang upna a nei khat pen upna in a tawsawn nuntak gamtat luhek kampauna om pah lel hi.

Gupna tawh kisai Gamtatna ah nam nih om hi. Gupna ngah nading in a hoih gamtatna neihna ding hanciam na le gupna ngah nading ahi upna in a tawsawn a hoih gamtatna te ahi hi.

Tua ahih manin gupna hong ngahsak upna in na nisim nuntak khuasak gamtatna te hong tawsawn nak leh na upna kip lai ahih manin gupna zong kip hi.

A taktak in Gupna pen a tawntung in kip a Gupna ii ngahna ahi upna pen na kiplo thei, a um kisakhial thei zaw mawk hi. Na upna a kip laisiah Gupna kip hi. Zam Thuam