Gualzawh nopna lungsim in

Gualzawh nopna lungsim in

Gualzawh nopna lungsim in na khempeuh hong nei sak thei hi.

Muvanlai in akha te zaak in vanlaizang ah amah le amah aki muanna tawh leng hi.

Gam lapi sakna in akimawl ding mi te lam-etna le upna pia in thalawp sak hi. Gualzawhna te ngah sak hi.

Na lianpi asem company te ii aminthanna in amau ii bawl van te ahoih pen hi ci in a-up man uh ahi hi.

Lasiam khat aminthanna pen ama aw ahoih pen hi ci in amah le amah aki up man ahi hi.

Lokho te in amau le amau kimuanna tawh mehteh mehgah te ahoih ding lam-en uh hi.

Scientist te in amau siamna amuanna uh tawh kizopna satellite te leitung kimkotsak uh hi.

Ei le ei kimuanna pen mihing te gualzawh nading lam mapi khat ahi hi. Ih tha hong dimsak hi. Ei le ei kimuanna ih neih le ih kantan zawhloh ding guamthuk omnawnlo hi. Aki kheng theilo buia-na haksatna cih te om nawnlo hi.

Ei le ei kimuanna pen minsel aa laigelhna khat tawh kibang hi. Gualzawhna laimai te dal khat khit dal khat hong gelh zo sak hi.

Ei le ei kimuanna pen khuavak tawh kibang hi. Ih mailam kalsuan nading lam hong lak hi.

Ei le ei kimuanna pen tu tawh kibang hi. Ei aading a etlawm ahoih logam hong khawh sak thei hi.

Ei le ei kimuanna pen meikuang tawh kibang hi. Ih awmsung aa ih lam-etna te meibang in hong kuang sak hi.

Na lungsim sung aa kimuan mawhna, kimuan lohna te hemkhia inla nang le nang kimuang in. Nang le nang na kimuanna in na gualzawh nading lam-etna hong pia ding hi.

Peter Suumpi
10.9.2014
Ref; “Self Confidence” internet.