GrabCar nazat veve, GrabShare tawh Booking lecin sumbei 30% phatuamding

GrabCar nazat veve, GrabShare tawh Booking lecin sumbei 30% phatuamding

Grab Taxi te’n “GrabShare” kici Service thakthak Malaysia leh Philippines gamsungah zanni in hong pankhia leuleu uhhi. GrabShare cihpen painading akibang Passengers te’n mawtaw khatpen kawmkhawmthei, ki Share khawmthei cihna hi a, mawtaw saap zong tampitak phatuam sakpah uhhi.

Grab Malaysia Country Head Sean Goh ii genkhiatna ah “GrabShare cihpen painadingmun akibang Passenger nihte in mawtaw khat saapkhawm theiding uhhi. Apainading akibang veve mawtaw nih apaitang in mawtaw khatbek apaiding suak ahih manin, hih GrabShare Service hangin khuasung lamzikpi tungah mawtaw tawmtuamding a, Traffic Jam cihte phatuamsak dinghi. Tuabek thamlo mawtaw saap Taxi Fare zong tampitak phatuamding a, mawtaw hawl Grab Driver te adinginzong nasepnih “2 Booking Trips” zawhkhatin azo suak ahih manin, asumlut uh tamzawding hi” ci’n zanni GrabShare Service Launch abawlna ah genkhia hi.

Tulaitak akizangzang ahi GrabCar Economy Fare tetawh tehkak ciangin hih GrabShare Service zatna hangin Passenger te’n mawtaw saap 30% bang tawmtuamding cihi.

GrabShare Service pen tulaitak in Malaysia gamsung ah Klang Valley leh Singapore, Manila cih khuapi te ah kizangthei hi. Adiakdiak in Malaysia Klang Valley sung aom Zomi te’n GrabCar nazat veve, GrabShare zangsin lecin na Taxi saap sumbei tampi phatuam takpi dinghi.

Na Mobile Phone sungpan in Grab App nazatzat, Install khitsa aomleh tuatungtawn mahin ki zangkhawm theihi. Booking nabawlding ciangin “GrabCar” akicipen nazattaang in “GrabShare” akicipen mek in.

Theihding ah: GrabShare cihpen midang tawh mawtaw khatsung ah atuang khawmding nahih manin, Booking khatvei nabawl ciangin atampen mi 2 bek ki tuangthei dinghi. Taxi khatah atampen mi 4 bek kituang khawmthei ahih manin, Booking khatciang mi 2 atampen aciangtan uh ahihi. A maximum of 2 passengers per booking allowed.

Toll Gate na kantankhak lehbek Toll Gate man piakkulding hi. Gentehna in na tuankhoppih te hongpai laitak un Toll Gate akantanleh amaubek in piading, nangtawh na tuankhop laitak in Toll Gate na kantankhop uhleh nanih un alangtuak piading. Only pay if you pass a toll.

Midang tawh atuangkhawmding nahih manin, Booking nabawlna munah Taxi in asawtpen Minute 3 sungbek hong ngakzoding uhhi. Khatveivei nalampi pen sauzaw khathei, ahi zongin nasum piakdingpen angei sangin tampi phatuamding hi. Shared rides may be a bit longer, but a lot cheaper.

GrabShare : Share the ride , enjoy lower fares!

Hihbangdan Service pen athak hilo a, UberPool ci’n Uber te’nzong azatzat ngeisa uh ahihi. Tuate zatdanin Grab te’n hong zangta uh hizaw hi.

Malaysia gamsung diakdiak pen mawtaw tamlua mahmah in, lamzikpi dimin mawtaw awkcip mitmet theihi. Malaysia gamsung veve ah Kuala Lumpur khuasungpen mawtaw Register akibawl atampenna mun hisawnsawn hi. Tuabang ah leitungbup mawtaw nei “Car Ownership” aki kancian ciangin Malaysia pen athumna hi ci’n 2014 Nielsen Study bawlte’n genkhia uhhi.

GrabShare pen nungkum December khasung in Singapore ah zat kipankhin a, tuazawh tunidong 2 Million veibang kizangkhin cihi.

Grab te ii kidempih UberPool Service zong Singapore leh Malaysia gamsung ah nungkum June kha in zat kipankhin uhhi. ZD Sawltak #zomidaily

More: Klang Valley sungteng 4km nuai ahihleh RM0.99 tawh Uber Taxi kituangthei

Promotion: GrabShare nazatsin nopleh tulaitak Zomi Daily Email ah “Promo Code” hongkhak uh khat omhi. Tuapen “ZEROFARE” hi a, hih Promotion tawh Booking nabawl lecin, RM7 nuai ahihleh amawkna Free in ki tuangthei dinghi. Nidang Promotion abawlte uh asum piakcing Credit Card or Debit Card cihte khatzawkzawk tawh piakkul cih kalh uh himahleh, hih Promotion pen Cash tawhzong kipia theihi. Hih Promo Code pen 28 Feb 2017 nidong kizangtheiding ahih manin, Grab Car nazat veve nasin inla, bangcihiam cih na Experience anuai ah hong Comment vemaw. Lungdam!