Germany Christmas Market khat mawtawpi in phulphei, mi 12 si, 48 liam

Germany Christmas Market khat mawtawpi in phulphei, mi 12 si, 48 liam

Germany gam ii khuapi Central Berlin aom Christmas Market kici vanzuakna munkhatah Truck mawtaw golpi khatin nawkpheigawp a, mi 12 in sihlawh in adangzong mi 48 bang liam cih Reuters te’n genkhia uhhi. Mipi kikaikhawm atam mahmah laitak in hihbang in anawkphialgawp hi a, hihpen migilo te’n gamtatna hikhading hi ci’n Germany’s Interior Minister in genkhia hi.

Police te genkhiatna ah Driver papen Christmas Market aphutkhit ciangin taisim a, ahi zongin akhuanung ah kimankik ci hi. Driver dingin aki ummawhpa pen bang gammi hiam cihpen ki theician nailo hi.

Tua Truck tungah akihel, aki pawlkhawmding in aki ummawh Passenger khatzong West Berlin aom Kaiser Wilhelm Memorial Church geiah kiman cihi.

German Media pawlkhat te genkhiatna ah tua akiman migilo tepen Afghanistan ahih keileh Pakistan panin Refugee Status tawh Germany gamsung ah abeisa February khasung in honglut te hiding ci uhhi.

More: KFC Japan te’n “Finger Condom” bawl

Agei ah amukha khat ii genna ah hih Truck pen 40 mph (65 kph) hatna tawh taiphei in, mipi omna aphulphei ci hi.

Aliam mi 48 tepen Berlin Hospitals ah kipuak ci’n Police te’n genkhia uhhi. ZD Sawltak #zomidaily