Gentehna hoih mahmah khat (nahun manpha) ~ Job Cinpi

Gentehna hoih mahmah khat (nahun manpha) ~ Job Cinpi

Na sum neih 86,400 lak pan za khat za nih hong kiguksak leh heh lua kisa-in a om lai tul giat le zaguk valte zangin na sum tawm khat hong guksakte zong ding na hiam? ahih keh kitheihmawh bawl zaw lel ding na hiam?

A hai lo buang in sum za khat za nih ngah kik nadingin tul tampi zang lo ding uh hi. Kilungnuamsak lel ding uh hi. Nang zong na kilungnuamsak zaw ding hi.

Tua hi leh, mihing nuntakna sungah ni khat sungah setkan 86,400 kinei hi. Tua lakah mi khatpeuh in setkan zakhat zanih sung hong hehsak, hong dahsak manin na nikhat buk sung khempeuh hehna dahna tawh beisak ding na hiam?

Kammal khat hangin ni khat bup lungkia, thanem, cih pen nang ading sup huai lua hi. Na hun tawmno hong kiguksak leh a tam zaw om lai cih phawk gige inla hong kiguksakte hangin a om lai hun tampite beisak kei in. mihing nuntakna pen zai mahmah hi. Na pelh nop nak leh pelh theih nading mun lianpi awng lai hi. Practical Dreams Job Cinpi (Zomi Laisiam nuamte)