France President lui Sarkozy in President atuh sawmkik hangin lametna ommel nawnlo

France President lui Sarkozy in President atuh sawmkik hangin lametna ommel nawnlo

Nov. 23, 2015: Frenchte President lui Nicolas Sarkozy in kum kik ciangin presidential election tuh sawm kik a, Nipini in presidential election right-wing primary ah President a let lai-in Pime Minister len Francois Fillon in a khatna ngah in, a nihna Alain Juppe in ngah ahih manin Sarkozy adingin President lametna ding om nawn vet lo suak hi.

Nipini kik ciangin right-wing primary om kik ding a, tua ciangin right-wing party panin kua pen in President tuh ding hiam cih hong kitel ta ding hi. Ahih hangin French left-wing sungah kituah lohna lianpi om a, ahi zongin far-right leader Marine Le Pen May presidential election a cing dingin media ten a lametna thu uh gen ngeingai ta uh hi.

Marine Le Pen May pen US President thak Trump bangin Muslim galtai peuhmah lak lut ding a deih ngiat lo leh Islam a langpang ngiat khat ahi hi.

Hih right-wing presidential primary ah sum bawlna lam a thupi gen leh khanglui/biakna ngeina a lencip (pro-business conservative) Fillon in vote 44 per cent ngah a, Prime Minister lui lei Foreign Minister Juppe in vote 28% ngah a, Sarkozy in vote 21% bek ngah hi.

More: Tedim Khuahun (21 November 2016)

Sarkozy in, “Ka upna lenkip in ka pang a, ahih hangin vote khiate lungsim ka zo zo kei hi. Alian Juppe tungah zahtakna lianpi ka neih hangin Francois Fillion’ ngaihsutna leh upna pen kei aa tawh kibang zaw hi,” ci-in gen a, Fillon a gupna thu (endore) pulak khia pah hi. -The Hindu/ Thang Khan Lian