France gamsung ah meikanggawp ahih manin mi 10,000 val patau in kihemkhia
Southern France (Piancit) ah gamsung mei kanggawp ahih manin zankhatthu in mi 10,000 valbang aomna inn leh Campsite te panin kihemkhia uh cih Metro UK pan kiza hi. Tua gamsung meikatna hangin cimawh in aki hemkhia te lakah French gammi te bekthamlo, khuazinpak in apai Tourists bekbekzong tultampi phading uh cihi.
Hih gamsung meikatna Southern France sungteng pen Summer hunciang in khuazin gamvak atamphadiak kici a, tulaitak zong tua kuamsung tengah mimal Population pen angeina sangin azahthum bangin atamzawk laitak cihi.
Fire Service Official khatin agenkhiatna ah France’s Cote d’Azur sungteng ah July leh August khasung in Holidaymakers tampitak tuipinawl “beach” ah tawlnga dingin apai ngeingai laitak uh cihi. Tulaitak pen khuahun salua, keulau mahmah ahih manin gamsung meikang Wildfire pen kilawhbaih mahmah hi.
Tuesday ni in gamsung meikang aphelhding in Firefighter bekbek akigawm in mi 4000 bang kuankhia uhhi. Gamsung meikatna ah vandawn panin meiphelhding in Water Bombers zong 19 bang kizang cihi.
Gamsung meikat kipatpen Monday nipan hi a, meiphelh in apai Firefighters lakpan mi 12 tezong liamna ngah uhhi. Tuaban ah Police Officer zong mi 15 bangin meikhu thuaklah in cimawhgawp uh cihi.
Tuesday ni in meikatna pen Mediterranean Coast kuamsungteng ah 15 square miles (4,000 hectares) sungbang kangtum khinding cihi.
Huihnung khauhsawnsawn lailai in gamsunglah keu mahmah sawnsawn ahih manin, France Government tezong patau mahmah uha, European Union akipawlpih Partners te tungah huhna ngenta uhhi.
Meiphelh nadingin vanleng Fire-fighting Plane nihpeuhmah honghuh un ci’n angetna pen Italy gamin manlangtak in huhpahlian cihi.
Related: France gamsung High School khat ah thau kikapna piang, mi 2 liam cih kizaphot ~ ZD
Interior Minister Gerard Collomb in Tuesday ni in agenkhiatna ah gamsung meikang aphelhding in vanleng Firefighting Plane akigawm in 6 ki behlapding hi ci’n genkhia hi. Sawltak #zomidaily
Comment piaknop aomleh...