Falam District zumpi pen banghang Tedim ah tuahding ki vaihawmlo

Falam District zumpi pen banghang Tedim ah tuahding ki vaihawmlo

Tusun, Pa Pau in Siapi Piang leh Pa Mung hong vakpih bilbel, ke’n lamkaal ah laihamphatphat lawh ingh.

Zomi sungbek hilo, Gambup dinmun ciang a’ding in College Siapi leh Ulianpite tawh sun-an nekkhawm a, nai Khat sung bekbek tutkhop theihna pen manpha mahmah a hihna atuakkha hi ing. A khangto gamte ah hibang zah a Mipil Uliante tawh nai Khat sung holim theihna dingin sum leh paai tampi kipia hi napi, keibel a laihamphat mahmah suak ing.

Ka theihnop thu leh la tampitak theihbeh ing. Amau teng tung ka lungdamna lian mahmah hi. ehhmm… TCC Sangpi thu a kipan, TBCY thu zong pawlkhat za ing ei.. Zomi Baptist Makaite kimuhkhopna tawh kisai thunung thuma zong kidong hamtang ung..

Siapipa inbel TCC Sangpi in akikhawlhpih ding Zawl ahel dingin hong kuankawm hi ing ci.. Khawmpi khat kahkhin in US Gam sung a Laisiangtho Sangpi tuamtuam ah Makai Uliante tawh kimuhpihna ding maban haulai mahmah dan hi.. Sia Piang ih cihziau samhang, US bang a, akhangto gamte ahbel College Sangpi khat a Siapipa khatpeuh nakzahtak bawl, nakthupisim peuhmah uh ahihteh, Siapipa tawh hun saupi ngah in thu dotdotnop huaiphial hi.

Pa Pau leh Pa Mung inzong thu leh la atheibek uh hikei in, pilna siamna kicing anei uh himawk in, ih khangual ahihloh hangin hite tawh tukhawm a holimkhop pen akihamphalua mahmah nahi e ..

Pa Pau inbel, Tedim Tonzang lamteng in District ngah zo mahmahlo ahihleh, bang hangin Falam District Zumpi (District Office) pen gamnawl kenlak a om Falam khua pan, District sung a mi a tampenna khua, District laizang penpen, kongzing a tunnop penpen, akhangto penpen ahi Tedim khuapi ah tuah dingin kivaihawm lomawk hiam.. ci bilbel in hi sa peuhmah ing..

Cikha Tonzang Tedim Falam khuapi tengin District Zumpi pen Falam sangin Tedim ah neiziau hileh vai khempeuh siang ding cih dan.. hih khua tengin District Zumpi mun dingin Vote a khai hile’ng Tedim ah tuah ding thusun in zo mahmah ding cile’ng.. tu laitak a Zomi MP-te in hih hong vaanmawkle uh hoih ding hi cihdan..

More: Zogam in nang tektek hongngak

Tu ni a ka kikhawlhpih teng tawh, TV Talk Show khatbang kibawlpih zo hileh.. mipih sapihte a’ding atheih huai thu leh la tampi kihawmsawn theimah ding hive’n.. Zomi TV bang kisankik nopna lungsim hong om ei..

Tu ni ka hamphatna a pulak hizaw ing .. Lungdam ing ei, Siapi Piang, Pa Pau, Pa Mung.. kimulaimawk dihni ei. Gosawm Khup Zomi’ FB