Facebook Founder te innkuan in naukemding kumkhat US$110,000 tawh cialsawm

Facebook Founder te innkuan in naukemding kumkhat US$110,000 tawh cialsawm

Facebook CEO Mark Zuckerberg te nupa in Mandarin kampau asiam naukemding zonsan uh cih Chinese Social Media ah kilimgen mahmah hi. Tua naukemding “Nanny” nasep asemding pen Mandarin-speaking asiamkul a, kumkhat in US$110,000 pan US$130,000 kikal tawh cialsawm uh cimawk hi.

Hih naukem Nanny nasepvai tawh kisai in Job Recruitment Website khat ahi Indeed.com tungah aki suahsak ciangin Chinese Social Media tungah akithehzak ahihi. Hih nasep tangkona hangin adiakdiak in California, Silicon Valley sungah nasem ahih keileh ateeng Chinese Community sungah minthang mahmah hi.

Naukemding cihzenzen hangin, mimawkmawk deihtuaklo leuleu uhhi. Pilna laitan anei bekthamlo, Bachelor Degree anei hiding, naupang a it banah naupang kepzia leh zatui zatzia Basic Medical Training amansa hiding, atawmpen kum 3 nasep Experience neiding cihi. Tuaban ah English kampau asem bekthamlo, Mandarin kampau zong asiam mahmahhiding cih ahihi.

Tua naukem nasemding ii nasep hunpen ni 5 sung akizom in semsuakding a, tuakhit ciangin ni 5 sung tawlngading “Day Off” cimawk hi. Tuaban ah cidamna lamsang panpihna Full Health Benefit ngahsakding cisawnsawn hi. California, Silicon Valley sungah Engineer khat ii angahzah tawh akikim hamphatna ngahsakding cimawk hi.

Khasum hizah in tampi piazo bekthamlo, Mandarin kampau asiam kalh ahih manin, hih naukemding azongpen Facebook CEO Mark Zuckerberg hiding hi ci’n Netizens te’n genkhia uhhi. Tua nasep azong Employer pen “Young entrepreneurial family with several businesses and charities” cisawnsawn ahih manin, Facebook neipa mah hihamtangding kici hi.

Banghanghiam cihleh Mark Zuckerberg te nupa in nungkha August khasung in tanumei khat neihbeh uh a, tua akemding in naukem “Nanny” azonbeh uh hiding kici hi. Mark Zuckerberg leh azi Priscilla Chan te nupa in nungkha August khasung in tanumei khat neihbehkik uh a, aminzong August kici hi. Tua atanu pen akem acingding in Bodyguards mi 16 bang enciksak cihzong kiza hi.

Related: Facebook azangden mipi te Category khenpi 4 in kikhenthei, nang koisung ah kihel?

Mark Zuckerberg ii azi Priscilla Chan pen Vietnam Chinese Refugee innkuan sungpan apiangkhia ahihi. Mark Zuckerberg ii azi pen Chinese Ethnic ahih mahbangin, amanzong Mandarin leh Chinese Culture pen deihmahmah, paakta mahmah kici hi. Naukemding ii khasum pen kumkhat US$110,000 pan US$130,000 kikal cimawk ahih manin, Mandarin-speaking te’n lunglut mahmah uh cihi. Sawltak #zomidaily