Facebook inzong Hack thuakkha tahiam?

Tuesday zingsanglam in Facebook, Instagram leh Dating Dapp minthangkhat ahi Tinder te avek in ki zangtheilo hi ci’n CNN in pulakkhia hi. Ahi zongin naikhat sungkhawngbek aki zangtheilo ahih manin, atheikha manlozong pawlkhat ki om veve hi.

Leitungbup in Facebook naikhatsung zangtheilo ahih manin, Facebook tungtawn in ki hopihtheih omlo a, mimal ngiat in ki hopih akulhun hongtung hi.

Facebook website aki ngahloh hunsung Facebook ah alutkha khempeuh “Sorry, something went wrong” cihbek ki muthei a, adang Page koimah ah ki luttheilo, ki entheilo hi.

Tulaitak Internet Hackers Group minthang mahmah ahi Lizard Squad te’n a Twitter Account tung uh a “Facebook, Instagram, Tinder, AIM, Hipchat te ki ngahlo hi” ci’n laigelh uh ahih manin, amau khutlum hiding in ki ummawhpah hi.

Ahi zongin Facebook thunei te’n Official in bangmah genkhiatna neinuamlo uh a, Technical Issue hanghi cihciangbek genkhia uhhi. New York ah Servers pawlkhat kikoih a, tuate khuahun siatna hangtawh nawngkaina om cihciangbek genkhiaphot uhhi.

Facebook omkeileh mi pawlkhat te ading in hawm heuhau liangleh kilawm hi. Nang e, bangci nasa a? ZD Sawltak